રૂપાણી કેબિનેટનો મોટો નિર્ણયઃ શૈક્ષણિક હેતુ માટે ખેતીની જમીન ખરીદો તો જિલ્લા કલેક્ટરની મંજૂરી નહીં લેવી પડે

રાજ્યના મુખ્યપ્રધાન વિજય રૂપાણી અધ્યક્ષતામાં બુધવારે મળેલી કેબિનેટ બેઠકમાં જમીન ખરીદી માટે તથા ગણોત કાયદાઓમાં સુધારો કરવામાં આવ્યો છે. રાજ્યમાં કૃષિ યુનિવર્સિટી પશુપાલન યુનિવર્સિટી મેડિકલ કોલેજ ઇજનેરી કોલેજ કે અન્ય શૈક્ષણિક હેતુસર ખેતીની જમીન ખરીદવા માટે જિલ્લા કલેકટરની પૂર્વ મંજૂરીની જરૂર નહીં પડે.

ગાંધીનગર: રાજ્યના મુખ્યપ્રધાન વિજય રૂપાણી અધ્યક્ષતામાં બુધવારે મળેલી કેબિનેટ બેઠકમાં જમીન ખરીદી માટે તથા ગણોત કાયદાઓમાં સુધારો કરવામાં આવ્યો છે. આ ઉપરાંત સરકારે કરેલા સુધારા મુજબ હવે રાજ્યમાં કૃષિ યુનિવર્સિટી પશુપાલન યુનિવર્સિટી મેડિકલ કોલેજ ઇજનેરી કોલેજ કે અન્ય શૈક્ષણિક હેતુસર ખેતીની જમીન ખરીદવા માટે જિલ્લા કલેકટરની પૂર્વ મંજૂરીની જરૂર નહીં પડે.

• રાજ્યના મુખ્યપ્રધાન વિજય રૂપાણી દ્વારા લેવામાં આવેલ મહત્વના નિર્ણયોની વિગતો...

1. સમગ્ર રાજ્યમાં કૃષિ યુનિવર્સિટી પશુપાલન યુનિવર્સિટી મેડિકલ કોલેજ ઇજનેરી કોલેજ કે અન્ય શૈક્ષણિક હેતુસર ખેતીની જમીન ખરીદવા માટે જિલ્લા કલેકટરની પૂર્વ પરવાનગી અથવા તો મંજૂરી નહીં.

2. આવી જમીનની ખરીદી કર્યા બાદ એક મહિનામાં જિલ્લા કલેકટરને જાણ કરી bonafied industrial purpose ની જેમ જ જરૂરી પ્રમાણપત્ર મેળવી નિયત સમયમાં પ્રોજેક્ટ કામગીરી શરૂ કરી શકાશે.

3. ભૂતકાળમાં આવી જમીન ખરીદી માટે બિનખેડૂત સંસ્થાઓ કે વ્યક્તિઓ એ જિલ્લા કલેકટર પાસે મંજૂરી મેળવવાનું આવશ્યક હોવાના પરિણામે લાંબા સમય સુધી ટાઇટલ ક્લીયરન્સ ઇન્સ્પેક્શન વગેરેમાં સમય અને પ્રોજેક્ટ શરૂ કરવામાં વિલંબની સમસ્યાનો હવે અંત આવશે.

4 રાજ્યમાં bonafied industrial purpose માટે જમીન ખરીદી હોય, પરંતુ ઉદ્યોગિક હેતુનો ઉપયોગ શક્ય ન હોય તેવા કિસ્સામાં જીડીસીઆરની જોગવાઈ મુજબ ઉદ્યોગ સિવાયના અન્ય હેતુ માટે પણ જમીન વેચી શકાશે.

5. આવી જમીનોના કિસ્સામાં કંપનીના મર્જર કે પોતાની જ પેટાકંપની ગ્રુપ કંપની અથવા સહયોગી કંપનીને તબદીલ કરાયેલ જમીન વેચાણ ગણવામાં આવશે નહીં. આ વ્યવહારોમાં જંત્રીની માત્ર 10 ટકા કિંમત પ્રીમિયમ ભરીને તબદીલ થઇ શકશે.

6. ડેબ્ટ રીકવરી દેવા વસૂલીની કે નાણાકીય સંસ્થાઓ મારફતે થતી હરાજીમાં આવી જમીનો ખરીદનારે હરાજી 60 દિવસમાં ફક્ત 10 ટકા પ્રીમિયમ ભરવાનું રહેશે.

7. રાજ્યમાં કૃષિ પશુપાલન શિક્ષણ આરોગ્ય ક્ષેત્રના વિકાસની વ્યાપક તકો ખુલશે, એટલું જ નહીં રાજ્યમાં ઔદ્યોગિક મૂડીરોકાણો પણ આકર્ષિત કરી શકાશે.

આમ રાજ્ય સરકાર દ્વારા જમીનની ખરીદી અને વેચાણ તથા તેના ઉપયોગ માટેના મહત્વના નિર્ણયો કર્યા છે. આ નિર્ણયને કારણે રોજગારીમાં પણ વધારો થાય તેવી પણ શક્યતાઓ દેખાઈ રહી છે.