ગુજરાત રાજકારણના 'બાપા' ની વિદાય: ભાજપે તમામ કાર્યક્રમ રદ કર્યા, સાંજે 5 વાગ્યે થશે અંતિમ સંસ્કાર

ગુજરાતના પૂર્વ મુખ્યપ્રધાન કેશુભાઈ પટેલનું લાંબી માંદગી બાદ નિધન થયુ છે. તબિયત બગડતા તેઓને અમદાવાદની સ્ટર્લિંગ હોસ્પિટલમાં સારવાર માટે ખસેડાયા હતા. જ્યાં તેઓએ અંતિમ શ્વાસ લીધા છે.

• ભાજપના પ્રથમ મુખ્યપ્રધાન કેશુભાઈ પટેલનું નિધન
• CM વિજય રૂપાણી ગાંધીનગર પરત ફર્યા
• બપોરે 3 કલાકે મળશે કેબિનેટ બેઠક
• સંપૂર્ણ રાજકીય સન્માન સાથે અંતિમવિધિ કરવામાં આવશે
  
  ગાંધીનગર : ભાજપના પ્રથમ મુખ્યપ્રધાન કેશુભાઇ પટેલનું આજે શ્વાસની તકલીફના કારણે અમદાવાદની સ્ટર્લિંગ હોસ્પિટલમાં નિધન થયું છે. ત્યારે આજે ભાજપ પક્ષ દ્વારા તમામ રાજકીય કાર્યક્રમો રદ કરીને બપોરના 5 કલાકે કેબિનેટ બેઠક બોલાવવામાં આવી છે. જેમાં રાજ્યના મુખ્યપ્રધાન વિજય રૂપાણી સહિતના તમામ પ્રધાનો હાજર રહેશે અને કેશુભાઇ પટેલના અંતિમ સંસ્કાર સંપૂર્ણ રાજકીય સન્માન સાથે કરવાનો નિર્ણય પણ રાજ્ય સરકાર દ્વારા કરવામાં આવ્યો છે.
  
  
  ભાજપ પક્ષે તમામ કાર્યક્રમો રજૂ કર્યા
  
  આઠ વિધાનસભાની પેટાચૂંટણીને હવે ગણતરીના જ દિવસો જ બાકી છે. 3 નવેમ્બરના દિવસે મતદાન યોજાઈ રહ્યું છે. ત્યારે અત્યારે ચૂંટણી પ્રચાર જોરશોરથી થઇ રહ્યો છે પરંતુ આજે રાજ્યના ભાજપાના પ્રથમ મુખ્યપ્રધાન કેશુભાઇ પટેલનું નિધન થતા ભાજપ પક્ષ દ્વારા રાજકીય તમામ કાર્યક્રમો બંધ રાખવાનો નિર્ણય કરવામાં આવ્યો છે. જ્યારે મુખ્યપ્રધાન વિજય રૂપાણી પણ લીમડીના કાર્યક્રમ ને અધવચ્ચે મૂકી ને ગાંધીનગર પહોંચ્યા છે.

બપોરે 3 કલાકે યોજાશે કેબિનેટ બેઠક

ભાજપના પ્રથમ મુખ્યપ્રધાન કેશુભાઇ પટેલના નિધનને લઈ રાજ્ય સરકારે આજે તાત્કાલિક ધોરણે 3:00 રાજ્યની કેબિનેટ બેઠક બોલાવી છે. રાજ્યના મુખ્યપ્રધાન વિજય રૂપાણી અધ્યક્ષતામાં બેઠક મળશે. જેમાં કેશુભાઈ પટેલને સંપૂર્ણ રાજકીય સન્માન સાથે અંતિમ સંસ્કાર કરવામાં આવશે. જ્યારે ગાંધીનગર પહોંચી મુખ્યપ્રધાન વિજય રૂપાણી સીધા જ પૂર્વ મુખ્યપ્રધાન કેશુભાઇ પટેલના નિવાસ સ્થાને જઈને શ્રદ્ધાંજલિ પાઠવશે.

કેશુભાઈના અવસાનથી સૌને મોટી ખોટ પડી

મુખ્ય પ્રધાન વિજય રૂપાણીએ કેશુભાઈ પટેલને કામગીરી ને યાદ કરતા જણાવ્યું હતું કે, સ્વર્ગવાસ કેશુભાઇ પટેલ ગુજરાતના જન્મથી લઈને ભાજપા સુધી વટ વૃક્ષ ઊભું કરનારા અને રાજકીય ક્ષેત્રે મહત્વપૂર્ણ પ્રદાન કરનારા સમર્પિત નેતૃત્વ કરતા ગણાવ્યા છે. જ્યારે તેઓએ પોતાનું સમગ્ર જીવન રાષ્ટ્રને અર્પણ કર્યું હતું એટલું જ નહીં ખેડૂત પુત્ર તરીકે પણ તેઓએ ખેડૂત સહિત અનેક લોકસેવા કાર્યોથી ભાજપાને લોકચાહના અપાવી છે. જ્યારે કેશુભાઈના અવસાનથી સૌને મોટી ખોટ પડી છે. આ ખોટ આપણને સદાય ચાલશે એવું પણ રાજ્યના મુખ્ય પ્રધાન વિજય રૂપાણીએ જણાવ્યું હતું.