રાજ્યમાં 24 કલાકમાં કોરોનાના 477 કેસ, 31નાં મોત, 321 દર્દી સાજા થયાં

રાજ્યમાં કોરોના વાયરસના 24 કલાકના આંકડામા સતત વધારો જોવા મળી રહ્યો છે. ત્યારે નાગરિકો આ આંકડાને લઇને વધુ ગંભીર વધુ ગંભીર બની રહ્યાં છે. રાજ્યમાં કોરોના વાયરસના અત્યાર સુધીમાં 24 કલાકમાં આજે સૌથી વધુ 477 કેસ સામે આવ્યાં છે.

ગાંધીનગરઃ રાજ્યમાં કોરોના વાઇરસના કારણે છેલ્લાં 24 કલાકમાં સારવાર લઈ રહેલાં 31 દર્દીનાં મોત થયાં છે. રાજ્યમાં કોરોના વાઇરસના કુલ 20574 પોઝિટિવ કેસ અત્યાર સુધીમાં નોંધાયાં છે. જો કે, છેલ્લાં 24 કલાકમાં રાજ્યમાંથી આજે માત્ર 321 દર્દીઓને રજા પણ આપવામાં આવી છે.

રાજ્યમાં કોરોના કેસના આજના આંકડા

સમગ્ર રાજ્ય કોરોનાગ્રસ્ત થઈ ગયું છે. ત્યારે રાજ્યમાં છેલ્લા 24 કલાકમાં અમદાવાદમાં 346, સૂરત 48, વડોદરામાં 35, સુરેન્દ્રનગર 6, ગાંધીનગર, જૂનાગઢ, અરવલ્લી, પંચમહાલ 4-4, સાબરકાંઠા, જામનગર 5-5, ભાવનગર 3, બનાસકાંઠા, ભરૂચ, નવસારી, અન્ય 2-2, મહેસાણા, કચ્છ, ખેડા, ગીર સોમનાથ, અરવલ્લીમાં 1-1 કેસ સામે આવ્યો છે. જ્યારે 59 દર્દી વેન્ટિલેટર ઉપર રાખવામાં આવ્યાં છે. અત્યાર સુધી 1280 લોકોના મોત થયાં છે.