ગુજરાત રાજ્યનું જાહેર દેવું 2,67,650 કરોડ

વિધાનસભામાં પ્રશ્નોત્તરી કાળ દરમિયાન રાજ્ય સરકાર માથે જાહેર દેવું કેટલું છે, તેવો સવાલ અમદાવાદના ધારાસભ્ય દ્વારા કરવામાં આવ્યો હતો. જેમાં સરકાર દ્વારા લેખિતમાં જણાવવામાં આવ્યું હતું કે, વર્ષ 2019માં રાજ્ય સરકારને માટે કુલ 2,67,650 કરોડનું દેવું છે.

• રાજ્ય સરકારે વિધાનસભામાં દેવું જાહેર કર્યું
• પ્રશ્નોતરીમાં જાહેર કરવામાં આવ્યું જાહેર દેવું
• સરકાર ને માથે 2,67,650 કરોડ નું જાહેર દેવું
• વર્ષ 2020 માટે 13,631 કરોડ GST પેટે લેવાના બાકી

ગાંધીનગર : વિધાનસભા ગૃહમાં આજે મંગળવારના દિવસે નાણા, માર્ગ-મકાન, આરોગ્ય અને પરિવાર કલ્યાણ, તબીબી અને શિક્ષણ બાબતે ચર્ચા કરવામાં આવી હતી. જેમાં વિધાનસભામાં પ્રશ્નોત્તરી કાળ દરમિયાન રાજ્ય સરકાર માથે જાહેર દેવું કેટલું છે, તેવો સવાલ અમદાવાદના ધારાસભ્ય દ્વારા કરવામાં આવ્યો હતો. જેમાં સરકાર દ્વારા લેખિતમાં જણાવવામાં આવ્યું હતું કે, વર્ષ 2019માં ગુજરાત રાજ્ય પર કુલ 2,67,650 કરોડનું દેવું છે.

આ પણ વાંચો -રાજ્યના ખેડૂતો પાસેથી 16 માર્ચથી લઘુત્તમ ટેકાના ભાવે ઘઉંની સીધી ખરીદી શરૂ કરાશે

દેવામાં થયો ચોખ્ખો વધારો

વિધાનસભા ગૃહમાં પ્રશ્નોત્તરીકાળ દરમિયાન નાયબ મુખ્ય પ્રધાન અને નાણા પ્રધાન નીતિન પટેલે જાહેર દેવા બાબતે જણાવ્યું હતું કે, નાણાંકીય વર્ષ 2018- 19 અને 2019- 20માં દેવામાં ચોખ્ખો વધારો થયો છે, જે નાણાંકીય વર્ષ 2018-19માં 27,714 કરોડ અને વર્ષ 2019-20માં 27,346 કરોડનો ચોખ્ખો વધારો થયો છે.

આ પણ વાંચો -વિધાનસભામાં CM રૂપાણી શાયરના અંદાજમાં, ગુજરાતમાં VR, CR અને NRની ત્રિપુટી

કેટલું વ્યાજ અને કેટલી મુદ્દલની ચૂકવણી કરાઈ

ગત બે નાણાંકીય વર્ષની વાત કરવામાં આવે તો રાજ્ય સરકારે નાણાકીય સંસ્થાઓ, બજાર લોન અને NSSF લોન સંસ્થા પાસેથી નાણાંકીય લોન પ્રાપ્ત કરી છે. જેમાં નાણાંકીય વર્ષ 2018-19 દરમિયાન 18,077 કરોડ વ્યાજ અને 14,719 કરોડનું મુદ્દલ ચૂકવવામાં આવ્યું છે. આ સાથે નાણાંકીય વર્ષ 2019-20માં 20,322 કરોડ વ્યાજ અને 16,655 કરોડ રૂપિયાની મુદ્દલની ચૂકવણી કરવામાં આવી છે.

આ પણ વાંચો -વિધાનસભા અધ્યક્ષ રાજેન્દ્ર ત્રિવેદીની ટકોર, ગૃહમાં 20 ધારાસભ્યો માસ્ક પહેર્યા વિના બેઠા

GST કાઉન્સિલ પાસેથી રાજ્ય સરકારને 13,631 કરોડની આવક બાકી

આ ઉપરાંત કોંગ્રેસના ધારાસભ્ય વિરજી ઠુમ્મરે રાજ્યને GST કાયદા અન્વયે મળવાપાત્ર રકમ કેટલી બાકી છે, તે બાબતે રાજ્ય સરકારે લેખિતમાં જવાબ આપ્યો હતો કે, રાજ્યને વર્ષ-2020 માટે કુલ 13,651 કરોડની રકમ મળવાપાત્ર બાકી છે.

આ પણ વાંચો -ગુજરાતમાં 4,12,000 બેરોજગાર, શિક્ષિત બેરોજગારોની સંખ્યા વધી