હાઈ-વે પર અકસ્માત રોકવા ગુજરાત પોલીસને મળી 44 ઈન્ટરસેપ્ટ અને 44 રેસ્ક્યૂ વાન, સ્પીડ ગનથી વાહનોને મળશે ઈ-મેમો

ગુજરાત પોલીસ હવે દિવસેને દિવસે ટેક્નોલોજીનો ઉપયોગ કરીને ઝડપથી ગુનાઓનો ઉકેલ લાવી રહી છે. ત્યારે હવે ગુજરાત પોલીસની શક્તિમાં વધુ એક ઉંમેરો થયો છે. આજે જ ગૃહ રાજ્યપ્રધાન હર્ષ સંઘવીએ ગુજરાત પોલીસ માટે 48 ઈન્ટરસેપ્ટર કાર અને 44 રેસ્ક્યૂ વાનનું લોકાર્પણ કર્યું હતું. રાજ્યમાં અકસ્માત નિવારવામાં આ વાન મદદરૂપ થશે. ભૂતકાળમાં ગૃહ વિભાગ દ્વારા ટવેરા ગાડીમાં ઈન્ટરસેપ્ટર સિસ્ટમ લગાવવામાં આવી હતી, પરંતુ સમય બદલાતા હવે ટવેરાની જગ્યાએ ઈનોવા ગાડીનો ઉપયોગ ઈન્ટરસેપ્ટર કાર તરીકે કરવામાં આવ્યો છે.

• રાજ્યની પોલીસને આપવામાં આવી આધુનિક ઈન્ટરસેપ્ટર કાર
• તમામ જિલ્લાઓ અને મોટા શહેરોને આપવામાં આવી ઈન્ટરસેપ્ટર કાર
• પહેલા ટવેરાનો ઈન્ટરસેપ્ટર વાન તરીકે ઉપયોગ થતો હતો, હવે ઈનોવામાં ઈન્ટરસેપ્ટર સિસ્ટમ લગાવી
• ગુજરાત પોલીસને 44 રેસ્ક્યૂ વાન પણ એનાયત કરવામાં આવી
• ગૃહ રાજ્યપ્રધાન હર્ષ સંઘવીએ ગુજરાત પોલીસને સોંપી વાન

ગાંધીનગરઃ રાજ્યમાં અકસ્માત નિવારવા આજે ગૃહ રાજ્યપ્રધાન હર્ષ સંઘવીએ (State Home Minister Harsh Sanghvi) ગુજરાતની પોલીસ (Gujarat Police) માટે 48 ઈન્ટરસેપ્ટર કાર (Interceptor car) અને 44 રેસ્ક્યૂ વાનનું (Rescue Van) લોકાર્પણ કર્યું હતું. ભૂતકાળની વાત કરવામાં આવે તો ગૃહ વિભાગ દ્વારા પહેલા ટવેરા ગાડીમાં ઈન્ટરસેપ્ટર સિસ્ટમ (Interceptor System) લગાવવામાં આવી હતી, પરંતુ સમય બદલાતા હવે ટવેરાની જગ્યાએ ઈનોવા ગાડીનો ઉપયોગ ઈન્ટરસેપ્ટર કાર (Interceptor car) તરીકે કરવામાં આવ્યો છે.

ગુજરાત પોલીસને 44 રેસ્ક્યૂ વાન પણ એનાયત કરવામાં આવી

આ પણ વાંચો-જૂનાગઢના ચિત્રકારે ગિરનાર રોપ-વે નું લોકાર્પણ કરતાં વડાપ્રધાન મોદીનું ચિત્ર કર્યું તૈયાર

કેવી રીતે કામ કરે છે ઈન્ટરસેપ્ટર સિસ્ટમ (Interceptor System)?

ઈન્ટરસેપ્ટ સિસ્ટમ કાર (Interceptor System Car)ની વાત કરીએ તો, હાઈ-વે પર જે વાહનો વધુ પડતી ગતિમાં જતા હોય અને ગતિના નિયમોનું પાલન ન કરી રહ્યા હોય. ત્યારે આ ઈન્ટરસેપ્ટર કારની (Interceptor car) અંદર એક સ્પીડ ગન (Speed Gun) મૂકવામાં આવી હોય છે, જે સ્પીડ ગનની મદદથી ગાડી ગમે તેટલી સ્પીડમાં હોય તે ગન તાત્કાલિક ધોરણે જેતે ગાડીને પોતાના લેન્સમાં કેદ કરી લે છે. ત્યારબાદ ટ્રાફિકના નિયમ (Traffic Rules) તોડવા બદલ, ઓવરસ્પીડ અને ભયજનક વાહન હંકાવવા બદલના ગુના હેઠળ ઓનલાઈન મેમો આપવામા આવે છે. જ્યારે આગળ બીજી ઈન્ટરસેપ્ટર કારને (Interceptor car) જાણ કરવામાં આવે તો જેતે જગ્યાએ દંડ વસૂલ કરવામાં તેનો ઉપયોગ કરવામાં આવે છે.

આ પણ વાંચો-રાજકોટ ખાતે જીતુ વાઘાણીએ રાજકોટમાં વિકાસના કામોનું કર્યું લોકાર્પણ

44 રેસ્ક્યૂ વાન પણ આપવામાં આવી

રાજ્યના તમામ હાઈ-વે ઉપર અનેક વખત અકસ્માતની ઘટના બને છે ત્યારે ગણતરીની કલાકોમાં અથવા તો મિનિટોમાં એમ્બુલન્સની સેવા (Ambulance Service) પ્રાપ્ત થઈ શકતી નથી. તેવામાં પોલીસને પણ એક યુવાન આપવામાં આવ્યો છે, જેથી ઈજાગ્રસ્ત વ્યક્તિઓને તાત્કાલિક સારવાર મળી રહે અને તેનો જીવ બચાવી શકાય તે માટે રાજ્યની પોલીસને ગૃહ વિભાગ દ્વારા 44 જેટલી રેસ્કયૂ વાન પણ આજે ગૃહ રાજ્યપ્રધાન હર્ષ સંઘવી તથા રાજ્યના ઉચ્ચ પોલીસ અધિકારીઓ દ્વારા રાજ્યની તમામ જિલ્લાની પોલીસને એક એક વાન આપવામાં આવી છે.

હાઈ-વે પેટ્રોલિગમાં મહત્ત્વ

રાજ્ય સરકાર દ્વારા આપવામાં આવેલા જે ઈન્ટરસેપ્ટર કાર અને રેસ્ક્યૂ વાનનો મહત્તમ ઉપયોગ શહેરના બાહ્ય વિસ્તારમાં અને હાઈ-વે ઉપર કરવામાં આવતો હોય છે ત્યારે પોલીસ દ્વારા 24 કલાક સતત પેટ્રોલિંગ કરવામાં આવે છે ત્યારે રાજ્ય સરકાર દ્વારા આપવામાં આવેલા હાઈટેક રેસ્ક્યૂ કાર અને ઈન્ટરસેપ્ટર કાર ખૂબ જ મહત્ત્વની સાબિત થશે.