Gujarat corona update: રાજ્યમાં 24 કલાકમાં 16 પોઝિટિવ કેસ નોંધાયા, 12 દર્દીઓએ આપી કોરોનાને માત

ગુજરાત રાજ્યમાં કોરોનાની બીજી લહેર બાદ કેસ સતત ઘટી રહ્યા છે, ત્યારે 25 સપ્ટેમ્બરે સમગ્ર રાજ્યમાં 3 કોર્પોરેશન જેવા કે, વડોદરા અને સુરત, રાજકોટમાં જ સિંગલ ડિજિટમાં કેસ નોંધાયા છે. રાજ્યમાં છેલ્લા 24 કલાકમાં ફક્ત 16 કોરોના પોઝિટિવ કેસ નોંધાયા છે.

• છેલ્લા 24 કલાકમાં 16 પોઝિટિવ કેસ નોંધાયા
• સમગ્ર રાજ્યમાં ફક્ત 3 જ કોર્પોરેશન અને 4 જિલ્લામાં કેસ
• છેલ્લા 24 કલાકમાં એક પણ દર્દીનું મૃત્યુ નહી

ગાંધીનગર : ગુજરાત રાજ્યમાં કોરોનાના કેસ એપ્રિલ અને મે મહિનામાં સતત વધી રહ્યા હતા, ત્યારે હવે જૂન-જુલાઈ અને ઓગસ્ટમાં કેસ ઘટી રહ્યા હતા. કોરોના સંક્રમણને કાબુમાં લાવવા રાજ્ય સરકાર સફળ નીવડી છે, ત્યારે 25 સપ્ટેમ્બરે પણ સમગ્ર રાજ્યમાં 3 કોર્પોરેશન જેવા કે, વડોદરા, સુરત અને રાજકોટમાં જ સિંગલ ડિજિટમાં કેસ નોંધાયા છે, જ્યારે 33 જિલ્લામાંથી ફક્ત 4 જામનગર, રાજકોટ, વલસાડ અને નવસારીમાં કોરોના પોઝિટિવ કેસ નોંધાયા છે. આમ સમગ્ર રાજ્યમાં છેલ્લા 24 કલાકમાં ફક્ત 16 કોરોના પોઝિટિવ કેસ નોંધાયા છે.

રાજ્યના તમામ જિલ્લામાં સિંગલ ડિજિટમાં પોઝિટિવ કેસ

રાજ્ય સરકારના આરોગ્ય વિભાગ દ્વારા બહાર પાડવામાં આવતી કોરોનાની યાદીમાં છેલ્લા 24 કલાકની વાત કરવામાં આવે તો રાજ્યના 4 કોર્પોરેશન જેવા કે, સુરત, વડોદરા, રાજકોટ કોર્પોરેશન વિસ્તારમાં કોરોના પોઝિટિવના સિંગલ ડિજિટ કેસ નોંધાયા છે. અમદાવાદ શહેરમાં છેલ્લા 24 કલાકમાં એક પણ પોઝિટિવ કેસ નોંધાયો નથી. જ્યારે 4 દર્દીને રજા આપવામાં આવી છે.

આજે 5,05,671 નાગરિકોને અપાઇ વેક્સિન

25 સપ્ટેમ્બરના રોજ રાજ્યમાં કુલ 5,05,671 નાગરિકોને વેક્સિન આપવામાં આવી છે, જ્યારે 18 વર્ષથી વધુ વયના 1,83,155 નાગરિકોને પ્રથમ ડોઝ આપવામાં આવ્યો છે, જ્યારે 1,87,876 નાગરિકોને બીજો ડોઝ આપવામાં આવ્યો છે. આમ સમગ્ર રાજ્યમાં કુલ 5,93,80,142 નાગરિકોનું રસીકરણ કરવામાં આવ્યું છે.

રાજ્યમાં એક્ટિવ કેસ 150 નીચે

રાજ્યની વર્તમાન પરિસ્થિતિની જો વાત કરવામાં આવે તો રાજ્યના આરોગ્ય વિભાગ તરફથી મળતી માહિતી પ્રમાણે કુલ 149 જેટલા એક્ટિવ કેસ છે, જેમાં 3 વેન્ટિલેટર પર અને 146 દર્દીઓ સ્ટેબલ છે અને દર્દીના સારવાર દરમિયાન કુલ મૃત્યુ 10,082 નોંધાયા છે. જ્યારે અત્યારસુધીમાં કુલ 8,15,599 દર્દીઓએ કોરોનાને માત આપી છે. જ્યારે ગુજરાતમાં રિકવરી રેટ 98.76 ટકા સુધી પહોંચ્યો છે.

આ પણ વાંચો-દેશમાં છેલ્લા 24 કલાકમાં કોરોનાના નવા 30,256 કેસ નોંધાયા, 295ના મોત

આ પણ વાંચો-Gujarat corona update : છેલ્લા 24 કલાકમાં કોરોનાના 20 કેસ નોંધાયા, 20 લોકોને રજા અપાઈ