NOC વગરની બિલ્ડીંગને સીલ મારતું ગાંધીનગર ફાયર વિભાગ

ગાંધીનગર ફાયર વિભાગ સુરત શહેર અને અમદાવાદ શહેરમાં લાગેલી આગની સદંતર ઘટનાઓ બાદ છેલ્લા થોડા સમયથી હરકતમાં આવ્યું છે. છેલ્લા ચાર મહિનાની જો વાત કરવામાં આવે તો, ગાંધીનગર ફાયર વિભાગ દ્વારા અનેક ઈમારતોને સીલ કરી દેવામાં આવી હતી. જેમની પાસે ફાયર NOC ન હતી. આ અંગે કડક કાર્યવાહી હાથ ધરવામાં આવી છે. ગાંધીનગર સરગાસણ વિસ્તાર પાસે આવેલી ઈમારતને સીલ કરી દેવામાં આવી હતી કે જેમાં આપની ઓફિસનો પણ સમાવેશ છે.

• ગાંધીનગર ફાયર વિભાગની કામગીરી
• AAPના સાગઠનમંત્રીની બિલ્ડીંગ સીલ કરવામાં આવી
• ફાયર NOC ના હોવાથી બિલ્ડીંગ કરાઈ સીલ
• AAPની ઓફિસ પણ બિલ્ડીંગમાં હોવાથી સીલ

ગાંધીનગરઃસરગાસણ ચાર રસ્તા પાસે આવેલી કટારીયા નામની ઈમારતને ગાંધીનગર ફાયર વિભાગ દ્વારા ફાયર NOC ના હોવાના કારણે સીલ મારી દેવામાં આવી છે. તમામ બિલ્ડિંગની અંદર રહેલ તમામ ઓફિસ અને દુકાનોને સદંતર સીલ મારી દેવામાં આવ્યું છે. જ્યારે મળતી માહિતી પ્રમાણે કટારીયા નામની બિલ્ડીંગ બનાવનાર વ્યક્તિએ AAPમાં ગાંધીનગર જિલ્લામાં હોદ્દેદાર અને સંગઠન મંત્રી હોવાનું સામે આવ્યું છે.

ફાયર વિભાગને NOC પ્રાપ્ત નહીં થાય ત્યાં સુધી તમામ ઓફિસ બંધ

મહત્વની વાત છે કે, ગાંધીનગરમાં ગણતરીની મિનિટોમાં મેસેજ વાયરલ કરવામાં આવ્યા હતા કે, AAPની ઓફિસ સીલ કરવામાં આવી છે, પરંતુ ફક્ત AAPની એક જ ઓફીસ નહીં બિલ્ડિંગમાં આવેલી તમામ કચેરીઓ અને તમામ કોમર્શિયલ ઓફિસને સીલ કરી દેવામાં આવી હતી. જ્યાં સુધી ગાંધીનગર ફાયર વિભાગને NOC પ્રાપ્ત ન થાય ત્યાં સુધી આ તમામ ઓફિસ બંધ રાખવામાં આવશે.