ગાંધીનગર કોર્પોરેશનનું 291 કરોડનું બજેટ મંજૂર, કમિશ્નરનો વિરોધ

ગુજરાત સરકારનાં બજેટ બાદ ગુજરાતના પાટનગર ગાંધીનગર કોર્પોરેશનનું વર્ષ 2020 માટે બજેટ રજૂ કરાયુ હતુ. મ્યુનિસિપલ કમિશ્નર દ્વારા 291 કરોડનું બજેટ રજૂ કરાયુ હતુ.. આ દરમિયાન શાસક પક્ષ અને વિપક્ષ વચ્ચે ગરમા-ગરમી જોવા મળી હતી. સાથે જ ગાંધીનગર મ્યુનિસિપલ કોર્પોરેશનના અધિકારીઓ અને કમિશ્નર કામ ન કરતાં હોવાના આક્ષેપ પણ ઉઠ્યા છે.

ગાંધીનગર: પાટનગરનું વર્ષ 2020-21નું 291 કરોડનું બજેટ શનિવારે મંજૂર કરવામાં આવ્યું હતું. જેમાં શાસક પક્ષ અને વિપક્ષ અનેક મુદ્દાઓ પર આમને સામને આવ્યા હતા.

બજેટમાં કરવામાં આવેલી મહત્ત્વની જોગવાઈ

1. મેગા મેડિકલ કેમ્પ માટે રૂપિયા 10 લાખની જોગવાઈ
2. નવો ટાઉન હોલ બનાવવા માટે 100 લાખ રૂપિયાની જોગવાઈ
3. રાજ્ય સરકારની સોલાર યોજના અન્વયે ખાનગી રહેણાકોને વધારાનો સબસીડી ખર્ચ રૂપિયા 1 કરોડની જોગવાઈ
4. કોર્પોરેટરોને વાર્ષિક 12.50 લાખની જોગવાઈ
5. સાબરમતી નદી ઉપર બાસણ ગામને રોડ સાથે જોડનારા પુલના બાંધકામ માટે 1 કરોડની જોગવાઈ
6. ઇન્ડોર સ્પોર્ટ્સ ક્લબ, જીમખાનું અને સ્નાનગૃહ માટે 5 કરોડની જોગવાઈ
7. શહેરના રોડ નંબર 6 અને 7 પર આવેલ રેલવે ક્રોસિંગની જગ્યાએ રેલવે ઓવર બ્રિજ માટે 1 કરોડની જોગવાઈ
8. ગાંધીનગર વિસ્તારમાં ઇલેક્ટ્રિક હાઈ માસ લગાવવા માટે રૂપિયા 15 લાખની જોગવાઈ
9. ગાંધીનગરમાં ફિકસ પગારમાં જોડાયેલા કર્મચારીઓ માટે 5 વર્ષની જગ્યાએ 3 વર્ષની જોગવાઈ
10. ધોળાકુવા ગામ પાસે લગ્નવાડી બનાવવા માટે 2.5 કરોડની જોગવાઈ
11. શહેરમાં બાગ બગીચા માટે રૂપિયા 14 કરોડની જોગવાઈ
12. નવીન રહેણાંક મકાનોમાં વસાહતીઓ દ્વારા જળ સંચય કરી શકાય તે માટે રૂપિયા 1 કરોડની જોગવાઈ
13. માળખાકીય સુવિધા વધારવા માટે 4 કરોડની જોગવાઈ
14. સબવાહીની માટે 25 લાખની જોગવાઈ
15. મુક્તિધામ, કબ્રસ્તાન તથા નાના બાળકો માટેની દફનવિધિ માટે 3 કરોડની જોગવાઈ
16. શહેરના આંતરિક રોડ, શોપિંગ સેન્ટર તથા રિંગ રોડની સફાઈ માટે 5 કરોડની જોગવાઈ
17. કોર્પોરેશન વિસ્તારમાં આવેલી પ્રિપ્રાઇમરી શાળા ચલાવવા માટે 3 લાખની જોગવાઈ
18. 24 કલાક પાણી પૂરૂં પાડવા માટેની ખાસ જોગવાઈ, ગાંધીનગરની તમામ ગટરોનું નવીનીકરણ
19. રંગમંચ જેવા સેકટર 12,13 અને 16માં આવેલા ઓપન થિયેટર

આમ કોર્પોરેશન દ્વારા 291 કરોડનું નાણાકીય વર્ષ 2020-21નું બજેટ બહાર પાડવામાં આવ્યું છે.