ગાંધીનગર:સમગ્ર રાજ્યમાં આજે 10,000થી વધુ સરકારી તબીબો હડતાળ (Doctors Strike In Gujarat) પર છે. ડૉક્ટરો દ્વારા પડતર માંગણીઓને લઇને ચીમકી આપ્યા બાદ આજે તમામ જગ્યાએ વિરોધ પ્રદર્શન (Doctors Protest in Gandhinagar) કરવામાં આવી રહ્યું છે. રાજ્ય સરકાર જ્યાં સુધી માંગણી (Doctors Demands In Gujarat) ન સ્વીકારે ત્યાં સુધી હડતાળ ચાલું રાખવાની ચીમકી આપવામાં આવી છે. ડૉક્ટરોની સાથે સાથે આજે CSC સેન્ટરના આરોગ્ય કર્મચારીઓ (Health workers of CSC Center Gujarat) પણ હડતાળ પર ઉતર્યા છે. ગ્રેડ પેમાં વધારો કરવાની માંગ સાથે સત્યાગ્રહ છાવણી (satyagrah chhavani gandhinagar) ખાતે આંદોલન શરૂ કર્યું હતું.
રાજ્ય સરકારે વચન ન પાળ્યું- ગ્રેડ પે બાબતે ગાંધીનગર જિલ્લાના આરોગ્ય કર્મચારીના આગેવાન વિજય દવેએ Etv Bharat સાથેની વાતચીતમાં જણાવ્યું હતું કે, રાજ્ય સરકાર સમક્ષ અગાઉ પણ અનેક વખત ગ્રેડ વધારવા માટે રજૂઆત કરી હતી, પરંતુ વૈશ્વિક મહામારી (Corona Pandemic Gujarat) દરમિયાન રાજ્ય સરકારે ફક્ત બાહેંધરી આપી હતી અને વચન પાળ્યું નહોતું, ત્યારે આજે અમે ફરીથી રાજ્ય સરકાર સમક્ષ ગ્રેડ પે વધારવાની માંગ કરી રહ્યા છીએ. અત્યારે અમારો ગ્રેડ પે 1800 રૂપિયા છે જે વધારીને 2800 રૂપિયા કરવામાં આવે.