પોલીસ વિભાગની ભરતીમાં અનામત મુદ્દે સમાજિક ન્યાય અને અધિકારીતા વિભાગે સ્પષ્ટતા કરી

રાજ્યમાં ગૃહ વિભાગ દ્વારા તાજેતરમાં પોલીસ ભરતીની જાહેરાત કરવામાં આવી હતી. જેમા પોલીસ સબ ઇન્સ્પેક્ટરની ભરતીમાં અનુસૂચિત જાતિ માટે આરક્ષિત સીટોને લઈને વિવાદ થયો હતો. અનુસૂચિત જાતિના કેટલાય ધારાસભ્યોએ વિધાનસભામાં પણ આ મુદ્દો ઉઠાવ્યો હતો. જેમા કહેવામાં આવ્યું હતું કે, કુલ 372 જેટલી જગ્યાઓ સામે અનુસૂચિત જાતિ માટે ફક્ત 03 જગ્યા રાખવામાં આવી છે. જે સરકારી ભરતીઓમાં અનુસૂચિત જાતિના 7 ટકા અનામતનું ઉલંઘન છે. આ મુદ્દે યુવાનોમાં રોષ પણ જોવા મળ્યો હતો અને સોશિયલ મીડિયા પર મેસેજ વાયરલ થયા હતા.

• પોલીસ વિભાગની ભરતીમાં અનુસૂચિત જાતિના આરક્ષણને લઈને વિવાદ
• વિધાનસભામાં ઉઠ્યો હતો મુદ્દો
• સામાજિક ન્યાય અને અધિકારીતા વિભાગે કરી સ્પષ્ટતા

ગાંધીનગરઃ રાજ્યમાં ગૃહ વિભાગ દ્વારા તાજેતરમાં પોલીસ ભરતીની જાહેરાત કરવામાં આવી હતી. જેમાં પોલીસ સબ ઇન્સ્પેક્ટરની ભરતીમાં અનુસૂચિત જાતિ માટે આરક્ષિત સીટોને લઈને વિવાદ થયો હતો. કુલ 372 જેટલી જગ્યાઓ સામે અનુસૂચિત જાતિ માટે ફક્ત 03 જગ્યા રાખવામાં આવી છે. જે સરકારી ભરતીઓમાં અનુસૂચિત જાતિના 7 ટકા અનામતનું ઉલંઘન છે. આ મુદ્દે સ્પષ્ટતા કરતા સામાજિક ન્યાય અને અધિકારીતા વિભાગે જણાવ્યું હતું કે, આર.કે સબરવાલ વિરુદ્ધ પંજાબ સરકારના કેસમાં સર્વોચ્ચ ન્યાયાલય દ્વારા ચુકાદો આપવામાં આવ્યો હતો કે, સરકારી ભરતીઓમાં અનામત વેકેન્સી કે રોસ્ટરના આધારે નહિ, પરંતુ પોસ્ટના આધારે કરવામાં આવે. તે મુજબ સામાન્ય વહીવટ વિભાગ દ્વારા 08 માર્ચ, 1999 અને 05 સપ્ટેમ્બર, 2000 થી તે મુદ્દાના ઠરાવ થયેલા છે. તે મુજબ ભરતી જાહેર કરાય છે.

મનોજ અગ્રવાલ

ભરતી અને બઢતીના અલગ રોસ્ટર

સીધી ભરતી અને બઢતીના અલગ રોસ્ટર અને રજીસ્ટર નિભાવવામાં આવે છે. જે મુજબ અનામત જાતિનું યોગ્ય પ્રતિનિધિત્વ જળવાય તેની વ્યવસ્થા કરવામાં આવે છે. હાલ ભરાયેલી જગ્યાઓ અને ભરવામાં આવનારી જગ્યાઓના કુલ પ્રતિનિધિત્વને આધારે નિયમ પ્રમાણે રોસ્ટર રજિસ્ટરને આધારે ગણતરી કરીને અનુસૂચિત જનજાતિના 14 ટકા અનુસૂચિત જાતિના 07 ટકા, અન્ય પછાત જાતિના 27 ટકા અને આર્થિક નબળા વર્ગના 10 ટકા જળવાય તે રીતે વ્યવસ્થાપન કરવામાં આવ્યું છે.

આ પણ વાંચોઃ ગુજરાત પોલીસ વિભાગની ભરતીમાં અનામતના યોગ્ય અમલ માટે માગ ઉઠી

300 બિન-હથિયારધારી પોલીસ સબ-ઇન્સ્પેક્ટરની ભરતી

બિનહથિયાર ધારી પોલીસ સબ ઇન્સ્પેક્ટર સંવર્ગમાં 1844 જગ્યાની સામે 1231 જગ્યા ભરાયેલી છે. ખાલી જગ્યામાંથી 300ની ભરતી બહાર પડાઈ છે. છેલ્લી 31 ઓકોટોબર, 2020 ના રોસ્ટર રજીસ્ટરને સામાજિક ન્યાય તથા અધિકારીતા વિભાગના 07 જાન્યુઆરી, 2021ના પત્રથી પ્રમાણિત કરાવેલું છે. જેમાં મહેકમ પ્રમાણે અનુસૂચિત જાતિના બિન-હથિયારધારી પોલીસ સબ-ઇન્સ્પેક્ટરની કુલ જગ્યાઓમાં અનુસૂચિત જાતિમાં 20 થી વધુ, અનુસૂચિત જનજાતિમાં 01 ઘટ અને અન્ય પછાત જાતિઓમાં 16 જગ્યા વધુ છે. એટલે ગણતરી મુજબ અનામત બરોબર છે.

આ પણ વાંચોઃ ગૃહ વિભાગ દ્વારા 1382 જગ્યાની ભરતીની જાહેરાત કરાઈ

SRP પોલીસ સબ-ઇન્સ્પેક્ટરની 73 જગ્યાઓ

SRP પોલીસ સબ-ઇન્સ્પેક્ટરના 01 માર્ચ, 2021ના રોસ્ટરને સામાજિક ન્યાય અને અધિકારીતા વિભાગે 20 માર્ચ, 2021 એ પ્રમાણિત કર્યું છે. જે મુજબ આ સંવર્ગની કુલ 220 જગ્યાઓમાંથી 148 જગ્યાઓ ભરાયેલી છે. એટલે 72 જગ્યા ખાલી રહે છે. જેમાં OBC કેટેગરીમાં અંશતઃ સુધારો કરવામા આવ્યો છે.

ખોટી પોસ્ટ કરનારા સામે ગૃહવિભાગ પગલાં લેશે

આમ, સામાજિક ન્યાય અને અધિકારીતા વિભાગે સોસીયલ મીડિયાના મેસેજને ભ્રામક ગણાવ્યો હતો. આવા મેસેજ વહેતા કરનારા સામે ગૃહ વિભાગ પગલાં લેશે તેમ જણાવ્યું હતું.