ગાંધીનગર: શનિવારે રાજ્યના શિક્ષણ વિભાગની સમીક્ષા બેઠક યોજવામાં આવી હતી. આ બેઠક બાદ પ્રાથમિક શિક્ષણ સચિવ વિનોદ રાવે અલગથી એક બેઠકનું આયોજન કરીને ખાનગી શાળાઓને સૂચના આપી છે. જેમાં પ્રાથમિક શિક્ષણ સચિવે સ્કૂલની ફી ભરવા અને ફક્ત શાળાઓમાં અથવા તો શાળા દ્વારા નક્કી કરેલા બુકસ્ટોલ પરથી સ્ટેશનરી ખરીદી કરવાનું દબાણ નહીં કરવા અંગે કહ્યું હતું. આ ઉપરાંત આ સૂચનનું પાલન નહીં કરનારી સ્કૂલ વિરુદ્ધ કડક કાર્યવાહી કરવા અંગે જિલ્લા શિક્ષણ અધિકારીને સૂચના આપી હતી.
ખાનગી શાળાઓ ફી અને સ્ટેશનરી મુદ્દે વાલીઓ પર દબાણ નહીં કરી શકે શિક્ષણ સચિવ વિનોદ રાવે જણાવ્યું હતું કે, રાજ્યની તમામ ખાનગી શાળાઓ આગામી 3 મહિના સુધી ફી મુદ્દે દબાણ નહીં કરી શકે. આ ઉપરાંત વાલીઓ માસિક હપ્તાથી ફી ભરી શકે તેવી વ્યવસ્થા કરવી પડશે. આ સાથે જ જો, શાળા તરફથી વાલીઓને એલસી માટેની ધાક-ધમકી આપવામાં આવે, તો વાલી જે તે જિલ્લા શિક્ષણ અધિકારીને ફરિયાદ પણ કરી શકશે.
ખાનગી શાળાઓ ફી અને સ્ટેશનરી મુદ્દે વાલીઓ પર દબાણ નહીં કરી શકે હવે રાજ્ય સરકાર દ્વારા ખાનગી શાળા પર નજર રાખવામાં આવી રહી છે, ત્યારે ફરજિયાત ફી ઉઘરાવનાર ઉપરાંત સ્ટેશનરી અને ટ્રાસ્પોટેશન નામે પૈસા ઉધરાવનારી સ્કૂલ સામે કાર્યવાહી કરવામાં આવશે. આમ, ખાનગી શાળાની મનમાની બાબતે રાજ્યની ખાનગી શાળાઓ સામે ફી ઉઘરાણી બાબતે શિક્ષણ વિભાગે લાલઆંખ કરી છે.
