ગાંધીનગરઃ ગાંધીનગર મહાનગરપાલિકા વિસ્તારમાં રવિવારે કોરોનાના વધુ 7 કેસ સામે આવ્યા છે. જેમાં ડૉક્ટર, શાકભાજીનો વેપાર કરતી મહિલા અને ગૃહિણીઓ સામેલ છે. આ ઉપરાંત ગાંધીનગર જિલ્લાના ગ્રામ્ય વિસ્તારમાં ગાંધીનગર તાલુકામાં 11, કલોલમાં 7 અને માણસામાં 2 કેસ સામે આવ્યા છે.
સૂત્રો પાસેથી મળતી માહિતી મુજબ શહેરના સેક્ટર-7માં રહેતી અને ગાંધીનગર સિવિલ હોસ્પિટલમાં તબીબ તરીકે ફરજ બજાવતી 24 વર્ષીય યુવતી કોરોના રિપોર્ટ પોઝિટિવ આવ્યો છે, જ્યારે સેક્ટર-7માં અન્ય એક 62 વર્ષીય વૃદ્ધા, સેક્ટર-12માં 70 વર્ષીય વૃદ્ધ, સેક્ટર-5માં 62 વર્ષીય વૃદ્ધ અને 51 વર્ષીય આધેડ, સેક્ટર 21માં નિવૃત્ત જીવન ગુજારતા 62 વર્ષીય વૃદ્ધ અને સેક્ટર-25 GIDCમાં રહેતા અને શાકભાજીનો વેપાર કરતા 60 વર્ષીય વૃદ્ધાનો કોરોના રિપોર્ટ પોઝિટિવ આવ્યો છે. જેથી શહેરી વિસ્તારમાં કુલ પોઝિટિવ કેસની સંખ્યા 568 થઇ છે.
આ ઉપરાંત ગાંધીનગર તાલુકામાં 11 કેસ સામે આવ્યા છે. કુડાસણમાં 33, 39 અને 52 વર્ષના પુરુષ કોરોના સંક્રમિત થયા છે. આ સાથે જ રાધેશ્યામમાં 42 વર્ષનો પુરુષ અને ઝુંડાલમાં 60 વર્ષની મહિલા કોરોનાની ઝપેટમાં આવ્યાં છે, જ્યારે પેથાપુરમાં એક સાથે નવા 4 કેસ સામે આવ્યા છે. જેમાં 52 વર્ષની મહિલા અને 27, 57 તથા 61 વર્ષના પુરુષ સામેલ છે. આ ઉપરાંત ઈસનપુર મોટામાં 41 વર્ષના પુરુષ અને રાંધેજામાં 51 વર્ષના આધેડ કોરોનાથી સંક્રમિત થયા છે.
કલોલ અર્બન 2માં રવિવારે નવા 7 કેસ સામે આવ્યા સામે આવ્યા છે. જેમાં 27, 30, 40 અને 51 વર્ષની મહિલા અને 31, 35 અને 39 વર્ષીય પુરુષ સામેલ છે. આ ઉપરાંત માણસામાં રવિવારે કોરોનાના વધુ 2 કેસ સામે આવ્યા છે. જેમાં ઇન્દ્રપુરામાં 42 વર્ષીય પુરુષ અને લોદરામાં 20 વર્ષીય યુવક સંક્રમિત થયા છે. જેથી ગ્રામ્ય વિસ્તારમાં કોરોનાના કુલ કેસની સંખ્યા 1,212 થઇ છે.
