ગુજરાત કોરોના અપડેટ: રાજ્યમાં નવા 1564 પોઝિટિવ કેસ નોંધાયા, 16 મોત, 1451 ડિસ્ચાર્જ, કુલ કેસ 2,08,278

રાજ્યમાં કોરોના વાઈરસના આંકડામા સતત વધારો જોવા મળી રહ્યો છે. રાજ્યમાં કુલ પોઝિટિવ કેસ બે લાખને વટાવી ગયા છે. ગત 24 કલાકમાં નવા 1564 કેસ સામે આવ્યા છે. રાજ્યમા આજદિન સુધી કુલ 2,08,278 કેસ નોંધાયા છે. જ્યારે કોરોના વાઈરસના કારણે છેલ્લા 24 કલાકમાં સારવાર લઈ રહેલા 16 દર્દીના મોત થયા છે. જોકે, આજે 1451 દર્દીને રજા આપવામાં આવી હતી.

• રાજ્યમાં છેલ્લા 24 કલાકમાં 1564 નવા કેસ નોંધાયા
• છેલ્લા 24 કલાકમાં રાજ્યમાં 16 લોકોના મોત થયા છે
• રાજ્યમાં કોરોનાને માત આપનારા દર્દીઓનો દર 90.95 ટકા છે

ગાંધીનગર: રાજ્યમાં છેલ્લા 24 કલાકમાં અમદાવાદ કોર્પોરેશન 319, સુરત કોર્પોરેશન 223, વડોદરા કોર્પોરેશન 130, રાજકોટ કોર્પોરેશન 96, ખેડા 57, સુરત 55, રાજકોટ 53, મહેસાણા 51, વડોદરા 41, સુરેન્દ્રનગર 40, બનાસકાંઠા 38, ગાંધીનગર 33, પંચમહાલ 33, પાટણ 30, આણંદ 28, અમદાવાદ 26, દાહોદ 26, ભાવનગર કોર્પોરેશન 25, ગાંધીનગર કોર્પોરેશન 25, જામનગર કોર્પોરેશન 24, કચ્છ 22, ભરૂચ 20, અમરેલી 18, સાબરકાંઠા 18, જુનાગઢ 17, મહીસાગર 16, મોરબી 16, જુનાગઢ કોર્પોરેશન 12, અરવલ્લી 11, જામનગર 11, ગીર સોમનાથ 9, બોટાદ 8, નવસારી 8, નર્મદા 6, તાપી 5, ભાવનગર 4, દેવભૂમિ દ્વારકા 3, પોરબંદર 3, છોટાઉદેપુર 2 અને વલસાડમાં 2 કેસ સામે આવ્યા છે.

ગુજરાત કોરોના અપડેટ

અમદાવાદમાં રાજ્યમાં સૌથી વધુ 49,665 કેસ નોંધાયા

રાજ્યમાં 86 દર્દી વેન્ટિલેટર ઉપર રાખવામાં આવ્યા છે. અત્યાર સુધી 3969 લોકોના મોત થયા છે. જ્યારે અમદાવાદમા રાજ્યમાં સૌથી વધું 49,665 કેસ નોંધાયા છે. રાજ્યમાં સૌથી વધુ કેસ પાંચ મહાનગરોમાં સામે આવી રહ્યા છે. અમદાવાદમાં આજે એક દિવસ બાદ રાજ્યમાં ફરીથી પહેલા નંબરે રહ્યું છે. અમદાવાદ મહાનગરપાલિકા વિસ્તારમાં 319 કેસ સામે આવ્યા છે. જ્યારે ગ્રામ્ય વિસ્તારમાં 26 કેસ સામે આવ્યા છે. 24 કલાકમાં સુરતમાં 345 સામે આવ્યા છે. જોકે હવે ગ્રામ્ય વિસ્તારોમાં પણ વધુ માત્રામાં કેસ સામે આવી રહ્યા છે.

ગુજરાત કોરોના અપડેટ