ગાંધીનગર : રાજ્યમાં કોરોના કહેર સતત વધી રહ્યો છે, ત્યારે સેનાની એક મહત્વની પાંખ એરફોર્સ પણ કોરોના વાઇરસથી બચી શકી નથી. ગાંધીનગરના વડસર એરફોર્સ સ્ટેશનમાં એરફોર્સના જવાનને કોરોના પોઝિટિવ આવ્યો છે. જેથી વડસર એરફોર્સમાં આવેલા જવાનોના ફ્લેટને ક્વોરેન્ટાઈન કરવામાં આવ્યો છે.
મળતી માહિતી મુજબ, ગાંધીનગરના વડસર પાસે આવેલા એરફોર્સ સ્ટેશનમાં એક કેસ પોઝિટિવ આવ્યો છે. એરફોર્સ સ્ટેશનમાં જે જવાનને કોરોના કેસ પોઝિટિવ આવ્યો છે તે જવાનના ફ્લેટને પણ ક્વોરેન્ટાઈન કરવાની સૂચના આપવામાં આવી છે. જવાનને કોરોના પોઝિટિવ આવતાં તેમને સારવાર અર્થે અમદાવાદ ખાતે લઇ આવવામાં આવ્યો છે.