ગાંધીનગર- વિધાનસભામાં બજેટ સત્ર દરમિયાન કોંગ્રેસ પક્ષના ધારાસભ્યએ રાજ્યના મહેસૂલ પ્રધાનને બે વર્ષ દરમિયાન રાજ્ય સરકાર દ્વારા જમીન ભાડે અથવા વેચાણ (Renting or selling government-owned land) આપવામાં આવી હોય તેની માહિતી માંગવા પ્રશ્ન (Congress Question in Assembly) પૂછ્યો હતો. જેમાં છેલ્લા બે વર્ષ દરમિયાન રાજ્ય સરકાર દ્વારા આશરે 103.80 લાખ કરોડ ચોરસ મીટર જેટલી સરકારી પડતર જમીન ભાડે અથવા વેચાણ આપવામાં આવી હોવાનું માલુમ પડ્યું છે.
સૌથી વધુ કચ્છ જિલ્લામાં જમીનો અપાઈ
રાજ્ય સરકાર દ્વારા અપાયેલ માહિતી મુજબ છેલ્લા બે વર્ષમાં લગભગ 103.80 લાખ ચોરસ મીટર સરકારી પડતર, ખરાબા અને ગૌચરની જમીન ભાડે અથવા વેચાણથી (Renting or selling government-owned land) આપવામાં આવી છે. સૌથી વધારે જમીન કચ્છ જિલ્લામાં 95.65 કરોડ ચોરસ મીટર જેટલી જમીન ભાડે અથવા વેચાણથી આપવામાં આવી છે. ત્યારે કોંગ્રેસ દ્વારા સરકાર પર આક્ષેપ (Gujarat Congress Allegations) મૂકાયો છે કે, સરકાર પાસે ગરીબોને ઘર બાંધી આપવા માટે 50 થી 100 ચોરસ મીટરના પ્લોટ આપવા જમીન નથી. પરંતુ ઉદ્યોગોને દૈનિક 14.22 લાખ ચોરસ મીટર જમીન ફાળવણી કરવામાં આવી છે