ગાંધીનગરહિમાચલ પ્રદેશની વિધાનસભાની ચૂંટણીની સત્તાવાર (himachal pradesh election) જાહેરાત થઈ છે. ત્યારે હવે ગુજરાત વિધાનસભાની ચૂંટણીની (Gujarat Assembly Election 2022) સત્તાવાર જાહેરાત બાબતે અનેક તર્ક વિતર્ક થઈ રહ્યા છે. સાથે જ દિવસો ગણાઈ રહ્યા છે. ત્યારે આજે (મંગળવારે) રાજ્યના મુખ્યપ્રધાન ભૂપેન્દ્ર પટેલની અધ્યક્ષતામાં કેબિનેટ બેઠક (Gujarat Cabinet Meeting) યોજાશે. જોકે, આ જ અઠવાડિયાના અંતમાં દિવાળીના તહેવારો શરૂ થઈ રહ્યા છે. ત્યારે સચિવાલયમાં એવી પણ વાતો વહેતી થઈ છે કે, આ અઠવાડિયા બાદ વિધાનસભાની ચૂંટણીની સત્તાવાર જાહેરાત થઈ શકે છે. ત્યારે આ મુખ્યપ્રધાનની અધ્યક્ષતામાં આ અંતિમ બેઠક યોજાઈ રહી છે.
સવારે બેઠકમંગળવારે સવારે 10 કલાકે કેબિનેટ બેઠકનું (Gujarat Cabinet Meeting) આયોજન કરવામાં આવ્યું છે. મહત્વની વાત કરીએ તો, બુધવારે કેબિનેટ બેઠકનું આયોજન કરવામાં આવતું હોય છે, પરંતુ 19 ઓક્ટોબર બુધવારના રોજ વડાપ્રધાન નરેન્દ્ર મોદી (PM Narendra Modi) ગાંધીનગરના મહાત્મા મંદિર ખાતેથી ડિફેન્સ એક્સ્પોનું (Defense Expo 2022) ઉદ્ઘાટન કરવાના હોવાથી કેબિનેટ બેઠકમાં ફેરફાર કરાયો છે.
પ્રજલક્ષી કામો થશેબેઠકમાં મહત્વની ચર્ચાની વાત કરીએ તો, પ્રજાલક્ષી કામોને તાત્કાલિક ધોરણે લોકો સુધી પહોંચે અને લોકો રાજ્ય સરકારના કામકાજથી (Gujarat Government) વધુ વાકેફ થાય તેના ઉપર ખાસ ધ્યાન આપવામાં આવશે મહત્વની વાત કરવામાં આવે તો વિધાનસભાની ચૂંટણીની (Gujarat Assembly Election 2022) આચારસંહિતા ગમે ત્યારે લાગુ થઈ શકે તેમ છે ત્યારે હવે કેબિનેટ બેઠકમાં પ્રજાલક્ષી કામો ખાતમુરત લોકાર્પણ અને પ્રજાને ઉપયોગ થાય તેવા મહત્વના નિર્ણયો કરવામાં આવશે.