મુખ્યપ્રધાન વિજય રૂપાણીએ અમદાવાદના ધારાસભ્યો, સાંસદો સાથે વીડિયો કોન્ફરન્સથી વાત કરી

ગુજરાતના મુખ્યપ્રધાન વિજય રૂપાણીએ અમદાવાદ શહેરમાં વધતાં જતાં કોરોના વાયરસના સંક્રમણના સંદર્ભમાં અમદાવાદ શહેરના જનપ્રતિનિધિઓ અને સાંસદો સાથે વિડીયો કોન્ફરન્સ યોજી રોગ નિયંત્રણ માટેના પગલાંઓની ચર્ચા-વિચારણા હાથ ધરી હતી.

ગાંધીનગર-સીએમ વિજય રૂપાણીએ તેમના નિવાસસ્થાનેથી યોજેલી વિડીયો કોન્ફરન્સમાં આ ધારાસભ્યોને જણાવ્યું કે, તેમના વિસ્તારોમાં લોકડાઉનનો ચુસ્ત અમલ થાય તેની કાળજી ધારાસભ્યો રાખે તે આવશ્યક છે. અમદાવાદમાં છેલ્લા ત્રણ દિવસથી કોરોનાના દર્દીઓની સંખ્યા સતત વધી રહી છે, તે અંગે ચિંતા વ્યકત કરી હતી. અને કોરોનાનું સંક્રમણ વધુ વધે નહી તે માટે શું કરવું જોઈએ તે માટે સૂચનો માંગ્યા હતાં.

મુખ્યપ્રધાન વિજય રૂપાણીએ અમદાવાદના ધારાસભ્યો, સાંસદો સાથે વિડીયો કોન્ફરન્સથી વાત કરી

સીએમ રૂપાણીએ જણાવ્યું હતું કે, કોરોના શંકાસ્પદ જણાતાં નાગરિકો-પરિવારો પોતાના ટેસ્ટ કરાવી લે એટલું જ નહીં, આરોગ્ય ચકાસણી પરિક્ષણ માટે આરોગ્ય કર્મીઓને સહયોગ આપે તે માટે પોતપોતાના મતક્ષેત્રોમાં આ જનપ્રતિનિધિઓ વધુ સતર્કતા દર્શાવે તેવો પણ અનુરોધ કર્યો હતો.