મુખ્યપ્રધાન વિજય રૂપાણી 2 દિવસીય સૌરાષ્ટ્રના પ્રવાસે

21 જુલાઈ અને 22 જુલાઈ બે દિવસ રાજ્યના મુખ્યપ્રધાન વિજય રૂપાણી જૂનાગઢ અને દેવભૂમિ દ્વારકાના પ્રવાસે જશે. CM વિજય રૂપાણીના હસ્તે 54 વિદ્યાર્થીઓને ગોલ્ડ મેડલ્સ એનાયત કરવામાં આવશે. જેમાં કુલ 30,000 વિદ્યાર્થીઓ યુનિવર્સિટીની વિવિધ ડીગ્રી મેળવશે.

• 21 જુલાઈ જૂનાગઢ ભક્તકવિ નરસિંહ મહેતા યુનિવર્સિટીના પદવીદાન સમારોહમાં આપશે હાજરી
• 21 જુલાઈ બપોર બાદ દ્વારકાની મુલાકાત
• દ્વારકામાં સિગ્નેચર બ્રિજ, વેકસીનેશન કામગીરી બાબતે થશે ચર્ચા

ગાંધીનગર:રાજ્ય સરકારની કામગીરી અને ભવિષ્યના આયોજનનો લઇને બુધવારે રાજ્યના મુખ્યપ્રધાન વિજય રૂપાણી (vijay rupani) ની અધ્યક્ષતામાં મળતી કેબિનેટ બેઠક બકરી ઈદની જાહેર રજાના કારણે રદ્દ કરાઈ છે, ત્યારે 21 જુલાઈ અને 22 જુલાઈ બે દિવસ રાજ્યના મુખ્યપ્રધાન વિજય રૂપાણી જૂનાગઢ અને દેવભૂમિ દ્વારકાના પ્રવાસે જશે.

54 વિદ્યાર્થીઓને ગોલ્ડ મેડલ્સ એનાયત કરવામાં આવશે

CM વિજય રૂપાણીના હસ્તે 54 વિદ્યાર્થીઓને ગોલ્ડ મેડલ્સ એનાયત કરવામાં આવશે. જેમાં કુલ 30,000 વિદ્યાર્થીઓ યુનિવર્સિટીની વિવિધ ડીગ્રી મેળવશે. આ કાર્યક્રમમાં રાજ્યના શિક્ષણપ્રધાન ભૂપેન્દ્રસિંહ ચુડાસમા (bhupendrasinh chudasama) પણ પદવીદાન સમારોહમાં સહભાગી થશે. 2015માં સ્થપાયેલી આ ભકત કવિ નરસિંહ મહેતા યુનિવર્સિટીમાં જુનાગઢ, ગીર-સોમનાથ, પોરબંદર અને દેવભૂમિ દ્વારિકા જિલ્લાની 162 જેટલી કોલેજીસનો સમાવેશ કરવામાં આવેલો છે.

આ પણ વાંચો:CM રૂપાણી અને નીતિન પટેલ ભાવનગરમાં 70 કરોડના કામનું કરશે લોકાર્પણ

21 જુલાઈ બપોર બાદ CM દ્વારકા, 22 જુલાઈએ દ્વારકાધીશના મંગળા દર્શન

રાજ્યના મુખ્યપ્રધાન વિજય રૂપાણી જૂનાગઢનો કાર્યક્રમ પૂર્ણ કરીને બપોર બાદ દેવભૂમિ દ્વારકા ખાતે શીવરાજ બીચની સ્થળ મુલાકાત કરી વિકાસ કામોનું નિરીક્ષણ કરી જરૂરી માર્ગદર્શન આપશે. આ ઉપરાંત CM રૂપાણી સાંજે સરકીટ હાઉસ, દ્વારકા ખાતે જિલ્લામાં કોરોના રસીકરણની કામગીરી, શીવરાજપુર બીચના કામો અને બેટ દ્વારકા ખાતે તૈયાર થઈ રહેલા સિગ્નેચર બ્રિજની કામગીરી અંગે જિલ્લા વહીવટી તંત્રના અધિકારીઓ અને પદાધિકારીઓ સાથે સમીક્ષા બેઠક યોજશે. જ્યારે 22 જુલાઇ ગુરૂવારના રોજ સવારે જગત મંદિર ખાતે ભગવાન દ્વારકાધીશના દર્શન- પૂજા અર્ચના કરશે.

આ પણ વાંચો:શા માટે ભાજપ આગામી વિધાનસભાની ચૂંટણી મુખ્યપ્રધાન રૂપાણીના નેતૃત્વમાં લડશે ?