પાર્લામેન્ટ્રી બેઠકને લીધે કેબિનેટ બેઠક રદ્દ

મુખ્યપ્રધાન વિજય રૂપાણી અધ્યક્ષતામાં યોજાતી કેબીનેટની બેઠક બુધવારે નહીં મળી શકે. કારણ કે, બુધવારના રોજ ભાજપ પાર્લામેન્ટ્રી બોર્ડની બેઠકનો અંતિમ દિવસ હોવાના કારણે બેઠક રદ્દ રાખવાનો નિર્ણય રાજ્ય સરકાર દ્વારા કરવામાં આવ્યો છે.

• CM રૂપાણીની અધ્યક્ષતામાં યોજાનારી બેઠક રદ્દ
• સ્થાનિક સ્વરાજની ચૂંટણીને લઈને તમામ નેતાઓ વ્યસ્ત
• પાર્લામેન્ટ્રી બેઠક હોવાથી કેબિનેટ બેઠક રદ્દ
• બુધવારે પાર્લામેન્ટ્રી બોર્ડનો અંતિમ દિવસ

ગાંધીનગર : મુખ્યપ્રધાન વિજય રૂપાણી અધ્યક્ષતામાં યોજાતી કેબીનેટની બેઠક બુધવારે નહીં મળી શકે. કેમ કે, બુધવારે ભાજપ પાર્લામેન્ટ્રી બોર્ડની બેઠકનો અંતિમ દિવસ હોવાના કારણે બેઠક રદ્દ કરવાનો નિર્ણય રાજ્ય સરકાર દ્વારા કરવામાં આવ્યો છે. ઉલ્લેખનીય છે કે, સ્થાનિક સ્વરાજની ચૂંટણીઓની તૈયારીઓ ધમધમાટ થઈ છે. ત્યારે પાર્લામેન્ટ્રી બોર્ડમાં ઉમેદવારોના નામ અંગેની ચર્ચાઓ બાદ આખરી ઉમેદવારોના નામ ફાઇનલ કરવામાં આવશે.

પાર્લામેન્ટ્રી બેઠક હોવાથી કેબિનેટ બેઠક રદ્દ

પાર્લામેન્ટ્રી બોર્ડનો અંતિમ દિવસ

સ્થાનિક સ્વરાજની ચૂંટણીમાં ઉમેદવારોના નામને લઈને મુખ્યપ્રધાનના નિવાસસ્થાન ખાતે 1 ફેબ્રુઆરીથી પાર્લામેન્ટ્રી બોર્ડની બેઠક શરૂ કરવામાં આવી છે.

• 1 ફેબ્રુઆરીના રોજ સુરત, બરોડા અને ભાવનગર શહેરના ઉમેદવારોની ચર્ચા કરવામાં આવી હતી.
• 2 ફેબ્રુઆરીના રોજ અમદાવાદ અને જામનગર કોર્પોરેશનના ઉમેદવારોની ચર્ચા કરવામાં આવી હતી.
• 3 ફેબ્રુઆરીના રોજ રાજકોટ અને અમદાવાદના બાકી રહી ગયેલા વૉર્ડ અંગે ચર્ચા કરવામાં આવશે.

બોર્ડ બેઠક બાદ જાહેર થશે ઉમેદવારોના નામ

પાર્લામેન્ટ્રી બેઠકમાં ઉમેદવારોના નામ અને સ્થાનિક પરિસ્થિતિને ધ્યાનમાં લઈને ચર્ચા કરવામાં આવે છે. 3 ફેબ્રુઆરીના રોજ પાર્લામેન્ટ્રી બોર્ડની બેઠકનો અંતિમ દિવસ છે. ત્યારે બેઠક પૂર્ણ થયા બાદ ભાજપ પક્ષ દ્વારા સત્તાવાર રીતે અમદાવાદ, રાજકોટ, સુરત, બરોડા, જામનગર અને ભાવનગર કોર્પોરેશનના ઉમેદવારો સત્તાવાર રીતે જાહેર કરવામાં આવશે.

શું છે વિરોધનો સૂર?

ઉલ્લેખનીય છે કે, ભાજપ પ્રદેશ પ્રમુખ સી. આર. પાટીલ દ્વારા ઉમેદવારી માટે 3 નવા નિયમોની જાહેરાત કરવામાં આવી છે. ત્યારે આ નિયમ હેઠળ અનેક વર્તમાન કોર્પોરેટરના પત્તા કપાઇ શકે તેમ છે. જે કારણે ભાજપમાં જ વિરોધનો સૂર ઉઠ્યા છે, ત્યારે હવે વિરોધના સૂર વચ્ચે ભાજપ પક્ષ દ્વારા ક્યા કોર્પોરેટરનું આપવામાં આવશે તે જોવું રહ્યું?