ગાંધીનગર: રાજ્યના મુખ્યપ્રધાન ભુપેન્દ્ર પટેલની અધ્યક્ષતામાં કેબિનેટ બેઠકનું (Cabinet Meeting Today) આયોજન કરવામાં આવ્યું છે. જેમાં રાજ્યમાં વધી રહેલા કોરોના સંક્રમણને ધ્યાનમાં લઈને મહત્ત્વના મુદ્દે ચર્ચા કરવામાં (Important issues will be discussed cabinet meeting) આવશે. તેમજ નવા નિયંત્રણ મૂકવા બાબતની પણ સામાન્ય ચર્ચા કેબિનેટ બેઠકમાં કરવામાં આવશે.
રાજ્ય સરકાર નવી SOPમાં નવા કડક નિયંત્રણો લાગુ કરી શકે
ગુજરાત રાજ્યમાં ફક્ત શાળાઓ બંધ અને રેસ્ટોરન્ટમાં 75 ટકા કેપીસીટિ કરીને નિયંત્રણ લાગવામાં આવ્યા છે અને રાતના 10થી સવારના 6 વાગ્યા સુધી કરફ્યુ લગાવવામાં આવ્યું છે. અત્યારે વર્તમાન સમયમાં ગુજરાત રાજ્યમાં પોઝિટિવ રેટ ટકાની ઉપર છે, ત્યારે કેબિનેટ બેઠકમાં આ બાબતે પણ મહત્વના નિર્ણય લઈ શકાય છે અને રાજ્ય સરકાર નવી SOPમાં નવા કડક નિયંત્રણો પણ લાગુ કરી શકે છે.
વર્ષ 2022-23નું બજેટ રજૂ કરવામાં આવશે
ફેબ્રુઆરીમાં વિધાનસભાનું સત્ર મળશે અને તેમાં વર્ષ 2022-23નું બજેટ રજૂ કરવામાં આવશે, ત્યારે બજેટ બાબતે પણ રાજ્યના મુખ્યપ્રધાન ઉપેન્દ્ર પટેલ સાથે અલગ-અલગ વિભાગના બજેટને લઈને ચર્ચા કરવામાં આવશે. મહત્વની વાત કરવામાં આવે તો ભુપેન્દ્ર પટેલની સરકારનું પ્રથમ બજેટ સત્ર છે, ત્યારે ગત વર્ષ કરતા વધુનું બજેટ આ વખતે રાજ્ય સરકાર જાહેર કરશે.