રાજ્ય સરકાર દ્વારા જિલ્લા અને તાલુકામાં ફેમિલી કોર્ટ માટે રૂપિયા 91 કરોડની કરાઇ ફાળવણી

રાજ્ય સરકાર દ્વારા આજે રાજ્યના તમામ જિલ્લા અને તાલુકાઓમાં ફેમિલી કોર્ટના નિર્માણ માટે (91 crore for construction of Family Court permitted) 91 કરોડ રૂપિયાની મંજૂરી આપવામાં આવી છે. આ કોર્ટ બિલ્ડિંગ અત્યંત આધુનિક સુવિધાઓથી સજ્જ થતાં નાગરિકોની સુવિધાઓમાં વધારો થશે તથા તે જગ્યાએ કાર્યરત કર્મચારીઓ અને અધિકારીઓની કાર્યક્ષમતામાં પણ વધારો થશે.

ગાંધીનગર:રાજ્યમાં કાયદો અને વ્યવસ્થાની પરિસ્થિતિ જળવાઈ રહે તથા ઝડપી નિર્ણય આવે તેને ધ્યાનમાં લઈને રાજ્ય સરકાર દ્વારા આજે રાજ્યના તમામ જિલ્લા અને તાલુકાઓમાં ફેમિલી કોર્ટના નિર્માણ માટે (91 crore for construction of Family Court permitted) 91 કરોડ રૂપિયાની મંજૂરી આપવામાં આવી છે. જેમાં ઓફિસરના 10 રહેણાંક માટેના 6 કરોડ તથા સ્ટાફ માટેના મકાનો માટે 8 કરોડની વહીવટી મંજૂરી આપવામાં આવી છે. આ સાથે જ દિવ્યાંગ વ્યક્તિ કોર્ટમાં સરળતાથી પ્રવેશ કરી શકે તેની યોગ્ય વ્યવસ્થા માટે રાજ્ય સરકારે 51 લાખ રૂપિયાની વહીવટી મંજૂરી આપી છે.

ટૂંકા ગાળામાં આપવામાં આવી મંજૂરી

રાજ્યના કાયદા પ્રધાન રાજેન્દ્ર ત્રિવેદીએ વધુમાં જણાવ્યું હતું કે, ભૂપેન્દ્ર પટેલની સરકાર દ્વારા ખૂબ જ ટૂંકા ગાળામાં એક કરોડ રૂપિયાની વહીવટી મંજૂરી આપવામાં આવી છે. રાજ્ય સરકાર દ્વારા ભવિષ્યમાં અત્યાધુનિક અને દરેક સુવિધાથી સજ્જ જિલ્લા તાલુકા અને ફેમિલી કોર્ટ (Family Court) બિલ્ડીંગનું નિર્માણ પામેલ તથા અન્ય અધિકારીઓના રહેણાંક માટે ક્વાર્ટર બની રહે તે માટે રાજ્ય સરકાર દ્વારા ખૂબ જ ટૂંકા ગાળામાં 91 કરોડ રૂપિયાની વહીવટી મંજૂરી આપવાનો નિર્ણય કરવામાં આવ્યો છે.

આ પણ વાંચો:લો બોલો, ફેમિલી કોર્ટના જજની અરજી 11 મહિના બાદ હાઈકોર્ટમાં દાખલ થઈ

કઈ જગ્યાએ કરવામાં આવશે ખર્ચ

રાજ્ય સરકાર દ્વારા એક કરોડ રૂપિયાની વહીવટી મંજૂરી આપી દેવામાં આવી છે. તેમજ તમામ મુદ્દાઓની જ વાત કરવામાં આવે તો હિંમતનગર ખાતે જિલ્લાકક્ષાના ન્યાયાલયના નવા કોર્ટ બિલ્ડીંગના બાંધકામ માટે 60,33,50,000 અને થરાદ ખાતે નવી તાલુકા કોર્ટ બિલ્ડીંગના બાંધકામ માટે 12,33,50,000ની વહીવટી મંજૂરી આપવામાં આવી છે. આ ફેમિલી કોર્ટ (Family Court) બિલ્ડિંગ અત્યંત આધુનિક સુવિધાઓથી સજ્જ થતાં નાગરિકોની સુવિધાઓમાં વધારો થશે તથા તે જગ્યાએ કાર્યરત કર્મચારીઓ અને અધિકારીઓની કાર્યક્ષમતામાં પણ વધારો થશે.

આ પણ વાંચો:સંબંધોમાં તણાવનું કારણ બની લુડો ગેમ, ફેમિલી કોર્ટમાં બાપ-બેટી આમને-સામને

દિવ્યાંગ વ્યક્તિઓ માટે ખાસ સુવિધાઓ

રાજ્યના કેબિનેટ પ્રધાન રાજેન્દ્ર ત્રિવેદી વધુમાં જણાવ્યું હતું કે, વડાપ્રધાન નરેન્દ્ર મોદીના એકાદ અભિગમને આગળ વધતા રાજ્યની કલોલ ગામ માલપુરથી ભિલોડા ખાતેની કોર્ટમાં દિવ્યાંગ વ્યક્તિઓ સરળતાથી પ્રવેશ કરી શકે અને તેમના માટે વ્યવસ્થા ઊભી કરવા માટે રાજ્ય સરકારે 51 લાખની વહીવટી મંજૂરી આપી છે. આ ઉપરાંત રાજ્ય સરકાર દ્વારા નામદાર વડી અદાલતના ઇન્ફ્રાસ્ટ્રક્ચરની સુવિધાઓમાં વધારો કરવા માટે પણ ત્રણ કરોડની વહીવટી મંજૂરી આપવામાં આવી છે.