રાજ્યમાં છેલ્લા 5 મહિનામાં 7008 જુગારના ઝડપાયા કેસ, શ્રાવણ માસમાં પોલીસ વધુ એક્ટિવ બની

રાજ્યના પોલીસ વિભાગ દ્વારા છેલ્લા પાંચ મહિનામાં કરેલી જુગારની કાર્યવાહીની જાહેરાત પોલીસ વિભાગ દ્વારા કરવામાં આવી છે. જેમાં સમગ્ર રાજ્યમાંથી છેલ્લા પાંચ મહિનામાં કુલ 7008 જેટલા કેસ જુગારના નોંધવામાં આવ્યા છે.

• રાજયમાં છેલ્લા 5 મહિનામાં કુલ 7008 કેસ નોંધાયા
• શ્રાવણ માસમાં પોલીસ જુગારીઓ પર ત્રાટક્યા
• રાજ્ય પોલીસ વિભાગ દ્વારા જુગારના ગુનાઓની વિગત જાહેર કરાઈટ

ગાંધીનગર : ગુજરાતમાં શ્રાવણ માસ દરમિયાન જુગારનો એટલો ચસ્કો જામે છે કે, લોકો જુગાર રમવા માટે સ્પેશિયલ હોટેલ, કોટેજ અથવા તો એકાંત શોધતા હોય છે, જ્યારે અમુક લોકો ગ્રામ્ય વિસ્તારો તરફ પણ જતા હોય છે. રાજ્યના પોલીસ વિભાગ દ્વારા છેલ્લા પાંચ માસમાં કરેલી જુગારની કાર્યવાહીની જાહેરાત પોલીસ વિભાગ દ્વારા કરવામાં આવી છે. જેમાં સમગ્ર રાજ્યમાંથી છેલ્લા પાંચ મહિનામાં કુલ 7008 જેટલા કેસ જુગારના નોંધવામાં આવ્યા છે.

આ પણ વાંચો- અમદાવાદ: પોલસીકર્મીનો ભાઈ જ પોલીસના મકાનમાં જુગાર રમતાં ઝડપાયો

સૌથી વધુ જુગારના ગુના 859 અમદાવાદ શહેરમાં જોવા મળ્યા

જુગારમાં સમગ્ર રાજ્યમાં શહેરની વાત કરવામાં આવે તો સમગ્ર રાજ્યના તમામ મોટા શહેરોમાં ફક્ત અમદાવાદ શહેરમાં 859 જેટલા સૌથી વધુ કેસ નોંધવામાં આવ્યા છે, ત્યારબાદ રાજકોટમાં 306, વડોદરામાં 242 અને અમદાવાદ પછી સુરત શહેરમાં 517 જેટલા જુગારના કેસ નોંધવામાં આવ્યા છે. આમ અમદાવાદ શહેર બાદ સુરતમાં પણ જુગારના સૌથી વધુ કેસ સામે આવ્યા છે, જ્યારે શ્રાવણ માસમાં આવનારા તહેવારો દરમિયાન જેવા કે જન્માષ્ટમીમાં પણ પોલીસ હજુ વધુ જુગારીઓ પર કડક કાર્યવાહી કરશે.

રાજ્યમાં છેલ્લા 5 મહિનામાં 7008 જુગારના ઝડપાયા કેસ

રાજયમાં રેન્જ પ્રમાણે જુગારના કેસ

રેન્જ	કેસ
ભાવનગર	748
અમદાવાદ	645
ગાંધીનગર	576
બરોડા	565
બોર્ડર	516
સુરત	397
જૂનાગઢ	360
ગોધરા	170

શહેર પ્રમાણે ગુનાઓની વિગતો

શહેર	ગુનાની વિગત
અમદાવાદ	859
સુરત	517
રાજકોટ	306
વડોદરા	242
અમદાવાદ ગ્રામ્ય	223
ખેડા	163
આણંદ	259
ગાંધીનગર	203
સાબરકાંઠા	56

અરવલ્લી	12
મહેસાણા	305
જામનગર	354
દ્વારકા	124
રાજકોટ ગ્રામ્ય	391
મોરબી	40
સુરેન્દ્રનગર	191
બનાસકાંઠા	128
કચ્છ ભુજ પૂર્વ	92
કચ્છ પશ્ચિમ	110
પાટણ	186
અમરેલી	206
ભાવનગર	308
બોટાદ	234
જુનાગઢ	214
ગીર સોમનાથ	83
પોરબંદર	63
બરોડા ગ્રામીણ	257
છોટાઉદેપુર	56
ભરૂચ	153
નર્મદા	99
પંચમહાલ	113
મહિસાગર	31
દાહોદ	26
સુરત ગ્રામ્ય	108
તાપી	79
વલસાડ	103
નવસારી	91
ડાંગ	16
આહવા	16
પશ્ચિમ રેલવે અમદાવાદ	2
પશ્ચિમ રેલવે બરોડા	5

100થી ઓછા કેસ ધરાવતા 13 જિલ્લાઓ

સમગ્ર રાજ્યમાં જુગારના કેસોની જો વાત કરવામાં આવે તો તમામ જિલ્લાઓમાંથી ફક્ત 13 જિલ્લાઓ એવા છે કે, જેમાં સૌથી ઓછા કેસ જુગારના નોંધાયા છે, જ્યારે તમામ જિલ્લાઓમાં ફક્ત અરવલ્લી જિલ્લામાં 12 જેટલા કેસ છેલ્લા પાંચ મહિનામાં જુગારના નોંધાયા છે. આમ 13 જિલ્લાઓની વાત કરવામાં આવે તો ડાંગ, આહવા, નવસારી, તાપી, દાહોદ, મહીસાગર, નર્મદા, છોટાઉદેપુર, પોરબંદર, ગીર-સોમનાથ, કચ્છ, ભુજ, પૂર્વ મોરબી અને અરવલ્લી જેવા જિલ્લાઓમાં સૌથી ઓછા કેસ નોંધાયા છે. જ્યારે અન્ય જિલ્લાઓમાં સૌથી વધુ જુગારના કેસો નોંધાયા છે. મોટા શહેરોની વાત કરવામાં આવે તો અમદાવાદ શહેરમાં સૌથી વધુ પાંચ મહિનામાં 859 જેટલા કેસ નોંધાયા છે.