Corona Update : ગુજરાતમાં કોરોનાના કેસોમાં સતત વધારો, અમદાવાદમાં 28 કેસો સામે આવતા ફફડાટ

દિવાળી (diwali) બાદ રાજ્યમાં કોરોના (coronavirus in gujarat) ફરી એકવાર માથું ઊંચકી રહ્યો છે, ત્યારે આજે રાજ્યમાં છેલ્લા 24 કલાકમાં 54 કોરોના કેસ (corona cases) સામે આવતા ફફડાટ વ્યાપી ગયો છે. 33 જિલ્લામાંથી 5 કૉર્પોરેશન (corporations) અને 9 જિલ્લામાં કોરોનાના કેસો સામે આવ્યા છે. રાજ્યમાં એક્ટિવ કેસની સંખ્યા વધીને 291 થઈ ગઈ છે.

• રાજ્યમાં કોરોના કેસમાં વધારો
• છેલ્લા 24 કલાકમાં 54 પોઝિટિવ કેસ નોંધાયા
• 5 કોર્પોરેશન અને 9 જિલ્લામાં કોરોનાના કેસ

ગાંધીનગર: ગુજરાતમાં કોરોનાના કેસ (Corona cases in Gujarat) એપ્રિલ અને મે મહિનામાં સતત વધી રહ્યા હતા, ત્યારબાદ જુલાઈ અને ઓગષ્ટમાં કેસ નીચે તરફ આવી રહ્યા હતા અને કોરોના સંક્રમણ (Corona transition) કાબુ કરવા રાજ્ય સરકાર સફળ નીવડી હતી પણ હવે દિવાળીના તહેવારો બાદ રાજ્યમાં ફરી કેસોમાં ધીમી ગતિએ વધારો થઈ રહ્યો છે. ત્યારે નવેમ્બર માસની 17 તારીખે પણ સમગ્ર રાજ્યમાં 5 કોર્પોરેશન- અમદાવાદ (Ahmedabad), સુરત (Surat), વડોદરા (Vadodara), જુનાગઢ (Junagadh) અને રાજકોટ કોર્પોરેશન (Rajkot Corporation)માં કેસ નોંધાયા છે.

9 જિલ્લામાં કોરોનાના કેસ

આ ઉપરાંત 33 જિલ્લામાંથી 9 જિલ્લા- સુરત, વડોદરા, કચ્છ, વલસાડ, ભરૂચ, જામનગર, નવસારી, રાજકોટ અને તાપી જિલ્લામાં કોરોનાના પોઝિટિવ કેસ નોંધાયા છે. આમ સમગ્ર રાજ્યમાં છેલ્લા 24 કલાકમાં 54 કોરોના પોઝિટિવ કેસ (Corona Positive Cases) નોંધાયા છે.

અમદાવાદમાં કોરોના કેસોમાં વધારો

રાજ્ય સરકારના આરોગ્ય વિભાગ (Health Department Gujarat) દ્વારા બહાર પાડવામાં આવતી કોરોનાની યાદીમાં જણાવ્યા પ્રમાણે છેલ્લા 24 કલાકમાં રાજ્યના 5 કોર્પોરેશન- અમદાવાદ, સુરત, વડોદરા, જુનાગઢ અને રાજકોટ કૉર્પોરેશન વિસ્તારમાં કોરોનાના પોઝિટિવ કેસ નોંધાયા છે. અમદાવાદ અને સુરતમાં ધીમી ગતિએ કોરોનાના કેસોમાં સતત વધારો થઈ રહ્યો છે, ત્યારે અમદાવાદમાં છેલ્લા 24 કલાકમાં 28 પોઝિટિવ કેસ નોંધાયા છે. 3 દર્દીઓને રજા આપવામાં આવી છે. વડોદરામાં 04, રાજકોટમાં 02 અને સુરતમાં કોરોનાના 04 કેસ નોંધાયા છે.

આજે 4,25,721 નાગરિકોને વેક્સિન આપવામાં આવી

17 નવેમ્બરના રોજ રાજ્યમાં કુલ 4,25,721 નાગરિકોને વેક્સિન (Corona Vaccine) આપવામાં આવી છે, જ્યારે 18 વર્ષથી વધુ વયના 37,811 નાગરિકોને પ્રથમ ડોઝ (First Dose) આપવામાં આવ્યો છે. 2,74,166 નાગરિકોને બીજો ડોઝ આપવામાં આવ્યો છે, જ્યારે સમગ્ર રાજ્યમાં કુલ 7,57,33,872 ડોઝ આપવામાં આવ્યા છે.

રાજ્યમાં એક્ટિવ કેસ 291

રાજ્યની વર્તમાન પરિસ્થિતિની જો વાત કરવામાં આવે તો રાજ્યના આરોગ્ય વિભાગ તરફથી મળતી માહિતી પ્રમાણે કુલ 291 જેટલા એક્ટિવ કેસ છે, જેમાં 08 વેન્ટિલેટર પર છે અને 283 દર્દીઓ સ્ટેબલ છે. રાજ્યમાં કુલ 10,090 દર્દીના સારવાર દરમિયાન મૃત્યુ નોંધાયા છે, જ્યારે અત્યાર સુધીમાં કુલ 8,16,687 દર્દીઓએ કોરોનાને માત આપી છે. ગુજરાતમાં રિકવરી રેટ 98.74 ટકા સુધી પહોંચ્યો છે.

આ પણ વાંચો: લોકોના વિરોધ છતાં 111 કરોડ લોકોને વેક્સિન આપવામાં આપી: જીતુ વાઘાણી

આ પણ વાંચો:Indian Navy Valsura Jamnagar Passing out parade માં પાડોશી દેશોના અધિકારીઓ પણ શામેલ