રીમા ભંડારી, તત્વમ ગ્રીન, શગુન 24, ગુડા સહિત 9 બાંધકામ સાઇટ પાસેથી 45 હજાર દંડ વસૂલાયો

ગાંધીનગર જિલ્લામાં એક સપ્તાહ સુધી વાહકજન્ય રોગચાળો અટકાવવા માટે જિલ્લા પંચાયતની ટીમ દ્વારા પરસેવો પાડવામાં આવ્યો હતો. હોટલ, રેસ્ટોરન્ટ, ઝૂંપડપટ્ટી અને હોસ્પિટલો સહિતને ધમરોળી નાખ્યાં હતાં. અનેક જગ્યાએથી મચ્છરોના લાવવામાં આવ્યાં હતાં, તેમને નોટિસ ફટકારવામાં આવી હતી. ત્યારે આજે રીમા ભંડારી કુડાસણની ગુડાની સાઈટ્સ સહિત શહેરની 9 બાંધકામ સાઇટ પાસેથી મચ્છરોના લારવા મળતાં 45 હજારનો દંડ વસૂલવામાં આવ્યો હતો.

ગાંધીનગરઃ ન્યૂ ગાંધીનગર વિસ્તારમાં મોટા પ્રમાણમાં સિમેન્ટના જંગલો ઉભા કરવામાં આવી રહ્યાં છે. ઠેકઠેકાણે નવું બાંધકામ થઇ રહ્યું છે. ત્યારે માત્ર રૂપિયા રળવાની લાલચમાં બિલ્ડરો આજુબાજુમાં રહેતાં રહીશોને આરોગ્યની ચિંતા કર્યા વિના કામગીરી કરતા હોય છે. સાઈટ ઉપર કામ કરતા મજૂરોની પણ ચિંતા કરવામાં આવતી નથી, તેવું અનેકવાર સામે આવતું હોય છે. ત્યારે આજે ગાંધીનગર જિલ્લા પંચાયતની મેલેરિયા ટીમ દ્વારા વાહકજન્ય રોગચાળો અટકાવવાના હેતુસર ડ્રાઇવ ચલાવવામાં આવી હતી.

રીમા ભંડારી, તત્વમ ગ્રીન, શગુન 24, ગુડા સહિત 9 બાંધકામ સાઇટ પાસેથી 45 હજાર દંડ વસૂલાયો

ગાંધીનગર તાલુકાના સુઘડ આરોગ્ય વિભાગમાં આવતાં વિસ્તારોમાં ચેકિંગ કરવામાં આવ્યુ હતું. જેમાં કુડાસણની રીમા ભંડારી, સત્વમ ગ્રીન, ગુડા, રાયસણમાં આવેલી શગુન 24, સુઘડની શ્યામશરણ એક્સપીરિયા, ભાટમાં આવેલી આંતરે એક્સોટિકા, કર્ણાવતી રિવર અને નાના ચીલોડાની કર્ણાવતી રીજોઇશ કન્સ્ટ્રક્શન સાઇટ પર મચ્છરોના લારવા જોવા મળતાં 45 હજાર રૂપિયાનો દંડ સ્થળ ઉપર વસૂલ કરવામાં આવ્યો હતો. આ અભિયાન આગામી દિવસોમાં પણ મેલેરિયાની ટીમ દ્વારા ચલાવવામાં આવશે. ઉલ્લેખનીય છે કે, કોરોના વાયરસનો કહેર મોટા પ્રમાણમાં જોવા મળી રહી છે. ત્યારે મેલેરિયાને લગતી બીમારીઓ માઝા ન મૂકે તે માટે કામગીરી કરવામાં આવશે.