ગાંધીનગરઃ ગાંધીનગર મહાપાલિકાની સ્થાપના વર્ષ 2011માં કરવામાં આવી હતી. તે સમયે 11 વોર્ડ અને 33 કાઉન્સિલરો સમાવેશ કરવામાં આવ્યો હતો. ત્યારબાદ વર્ષ 2016માં ચૂંટણી યોજાઈ ત્યારે 8 વોર્ડ અને 32 કાઉન્સિલરો સમાવેશ કરાયો હતો. જેમાં એક વોર્ડમાં ચાર કાઉન્સિલરો નક્કી કરવામાં આવ્યાં હતાં. હાલમાં પણ આ જ પ્રમાણે મહાનગરપાલિકામાં સભ્યોની સંખ્યા છે. ત્યારે તાજેતરમાં જ ગાંધીનગર મહાનગરપાલિકામાં 18 ગામડાં અને એક પેથાપુર નગરપાલિકાનો સમાવેશ કરવામાં આવ્યો છે. જેને લઇને રાજ્યના શહેરી વિકાસ વિભાગ દ્વારા આજે નવું જાહેરનામું બહાર પાડવામાં આવ્યું છે.
ગાંધીનગર મહાપાલિકામાં 3 વોર્ડ, 12 કોર્પોરેટરનો વધારો, 22 મહિલા અનામત ગાંધીનગર મહાનગરપાલિકામાં હાલમાં 8 બોર્ડને 32 કાઉન્સિલરો છે. જ્યારે 18 ગામડાનો સમાવિષ્ટ કરાયા બાદ હવે નવા 3 વોર્ડનો ઉમેરો કરવામાં આવ્યો છે. એટલે કે હવે ગાંધીનગર મહાપાલિકામાં 11 વોર્ડ આગામી ચૂંટણીથી કાર્યરત થશે. ત્યારે હાલમાં કાઉન્સિલરોની સંખ્યા 32 છે. ગાંધીનગર મહાપાલિકામાં 3 વોર્ડ, 12 કોર્પોરેટરનો વધારો, 22 મહિલા અનામત નવા સીમાંકન મુજબ કાઉન્સિલરની સંખ્યા 44 થશે. જેમાં 22 બેઠકો મહિલા અનામત માટે રાખવામાં આવી છે. તેમાં 5 એસસી માટે બેઠક ફાળવવામાં આવી છે. જેમાં 3 મહિલાનો સમાવેશ થશે, જ્યારે 1એસટી બેઠક ફાળવવામાં આવી છે, તેની સાથે જ 4 ઓબીસી બેઠકોનો સમાવેશ કરાયો છે, જેમાં 2 મહિલાઓનો સમાવેશ કરવામાં આવ્યો છે.
