RTE હેઠળ વર્ષ 2020-21માં 19,211 બાળકો પ્રવેશથી વંચિત

સરકાર દ્વારા ગરીબ બાળકોને શિક્ષણનો અધિકાર મળી રહે તે માટે ખાનગી શાળાઓમાં પણ (રાઇટ ટુ એજ્યુકેશન) RTE હેઠળ પ્રવેશ આપવામાં આવે છે. પરંતુ વિધાનસભામાં કોંગ્રેસના ધારાસભ્ય દ્વારા પૂછવામાં આવેલા પ્રશ્નના શિક્ષણ મંત્રી RTE હેઠળ પ્રવેશ આપવામાં આવેલા બાળકોની વિગત રજૂ કરી. બે વર્ષમાં RTE હેઠળ ૨૫ ટકા બાળકોને કે પ્રવેશ મળવા પાત્ર બાળકો કરતા 40, 530 બાળકોને પ્રવેશ ન આપવામાં આવ્યો.

• વર્ષ 2018-19માં 21,319 બાળકોની સીટ ખાલી રહી હતી
• વર્ષ 2020-21માં RTE અંતર્ગત માત્ર 15,467 બાળકો પ્રવેશ મેળવી શક્યાં
• બે વર્ષમાં 40,530 બાળકોને પ્રવેશ ન આપવામાં આવ્યો

ગાંધીનગર: રાઇટ ટુ એજ્યુકેશન (RTE) હેઠળ સરકાર દ્વારા ગરીબ બાળકોને પ્રાથમિક શિક્ષણ મળી રહે તે માટે ખાનગી શાળામાં 25 ટકા સીટોની ફાળવણી કરવામાં આવે છે. પરંતુ, દર વર્ષે RTE હેઠળ પ્રવેશ મેળવનાર બાળકોની સંખ્યામાં સતત ઘટાડો નોંધાઈ રહ્યો છે. સરકાર સામે આ મોટો સવાલ ઉભો થયો છે.

આ પણ વાંચો:RTE પ્રવેશ માટે ઓનલાઈન ફોર્મ ભરવાની મુદતમાં વધારો નહીં થાય : ભૂપેન્દ્રસિંહ ચૂડાસમા

RTE બાબતે કોંગ્રેસ ધારાસભ્યના સરકારને સવાલ

વિધાનસભામાં કોંગ્રેસના ધારાસભ્ય દ્વારા RTE હેઠળ કેટલા બાળકોને પ્રવેશ આપવામાં આવ્યો છે, તે અંગે પ્રશ્ન પૂછવામાં આવ્યો હતો. જેનો જવાબ શિક્ષણમંત્રી ભુપેન્દ્રસિંહ ચુડાસમાએ આપતા કહ્યું કે, રાજ્યના 28 જિલ્લાઓ વર્ષ 2019-20માં 4,13,121 વિદ્યાર્થીઓને પ્રવેશ આપવામાં આવ્યો હતો. જેમાં 25 ટકા લેખે 1,04,045 બાળકોનેRTE અંતર્ગત પ્રવેશ આપવામાં આવનાર હતો. પરંતુ, 82,726 બાળકોને પ્રવેશ આપવામાં આવ્યો. આમ, 21,319 બાળકોની સીટ ખાલી રહી હતી.

રાઇટ ટુ એજ્યુકેશન(RTE)થી વંચિત

આજ રીતે વર્ષ 2020-21માં ધોરણ-1માં 3,72,411 વિદ્યાર્થીઓને ખાનગી પ્રાથમિક શાળાઓમાં પ્રવેશ આપવામાં આવ્યો હતો. જે અંતર્ગત 25 ટકા લેખે 90,738 બાળકોને પ્રવેશ આપવાનો હતો. પરંતુ, માત્ર 71, 527 બાળકોને RTE અંતર્ગત પ્રવેશ મેળવી શક્યા હતા. ઉલ્લેખનીય છે કે, ખાનગી શાળાઓમાં રાઇટ ટુ ઍજ્યુકેશન આપવામાં આવતા બાળકોના પ્રવેશની બેઠકો ખાલી રહેતા, ખાનગી શાળાના સંચાલકો પોતાની મનમાની મુજબ ફી વસૂલીને બેઠકો ભરતા હોય છે. જેને લઇને શાળાના સંચાલકોને મોટો ફાયદો થઇ રહ્યો છે.

આ પણ વાંચો:RTE હેઠળ ૯૯,૦૦૦થી વધુ બાળકોને પ્રવેશ આપ્યો હોવાનો સરકારનો દાવો

બાળકોને પ્રવેશ આપવામાં આવ્યો

અમદાવાદની વાત કરવામાં આવે તો, વર્ષ 2019-20માં 92,729 બાળકોને પ્રવેશ આપવામાં આવ્યો. જેમાં RTE હેઠળ તો માત્ર 19,429 બાળકોને પ્રવેશ આપવામાં આવ્યો હતો. આવી જ રીતે, વર્ષ 2020-21માં 71,957 બાળકોને પ્રવેશ આપવામાં આવ્યો હતો. જેમાં RTE અંતર્ગત માત્ર 15,467 બાળકો પ્રવેશ મેળવી શક્યા હતા.