દમણ: સંઘપ્રદેશ દાદરા નગર હવેલી અને દમણમાં કોરોનાનો કહેર યથાવત રહ્યો છે. રવિવારે દમણમાં 21 જ્યારે દાદરા નગર હવેલીમાં 19 નવા કોરોના પોઝિટિવ દર્દીઓ નોંધાયા હતાં. જે સામે દાદરા નગર હવેલીમાં 24 તો દમણમાં 12 દર્દીઓ સ્વસ્થ થતા તેમને રજા આપવામાં આવી હતી.
દમણ કોરોના અપડેટ
સંઘપ્રદેશ દમણમાં રવિવારે 21 નવા કોરોના પોઝિટિવ દર્દીઓ નોંધાયા હતાં. જે સાથે કુલ સક્રિય દર્દીઓની સંખ્યા 185 પર પહોંચી છે. જ્યારે 12 દર્દીઓને સારવારમાંથી રજા આપવા સાથે કુલ 411 દર્દીઓ સાજા થયા છે. રવિવારના 9 નવા કન્ટેનમેન્ટ ઝોન સાથે કુલ 123 કન્ટેનમેન્ટ ઝોન જાહેર કરવામાં આવ્યાં છે.
દાદરા નગર હવેલી કોરોના અપડેટ
સંઘપ્રદેશ દાદરા નગર હવેલીમાં 19 નવા કોરોના પોઝિટિવ સાથે કુલ એક્ટિવ દર્દીઓની સંખ્યા 213 પર પહોંચી છે. 24 કોરોના દર્દીઓને રવિવારે હોસ્પિટલમાંથી રજા આપવા સાથે કુલ 336 દર્દીઓ સાજા થયા છે. આજના નવા 17 કન્ટેનમેન્ટ ઝોન સાથે કુલ 205 કન્ટેનમેન્ટ ઝોન જાહેર કરવામાં આવ્યા છે. જેમાં 98 કન્ટેનમેન્ટ ઝોન માત્ર સેલવાસ નગરપાલિકા વિસ્તારના છે.