ભાવનગરમાં બે જૂથની અથડામણમાં એક શખ્સની હત્યા

12 માર્ચે રાત્રે 2 જૂથની જૂની અદાવતમાં થયેલી અથડામણમાં નવાણિયો શખ્સ ઝપટે ચડી જતા તેને ઇજા થઇ હતી. જેનું સારવાર દરમિયાન મૃત્યુ થયું હતું. પોલીસે બનાવ બાદ 9 શખ્સોની ધરપકડ કરીને આગળની તપાસ આદરી હતી.

• ભાવનગરમાં જૂની અદાવતમાં શખ્સની હત્યા
• પોલીસે બનાવ બાદ 9 શખ્સોની ધરપકડ કરીને આગળની તપાસ આદરી
• હત્યાના બનાવથી પોલીસ સ્થળ પર દોડી ગઈ

ભાવનગર : 12 માર્ચે રાત્રે 2 જૂથની જૂની અદાવતમાં થયેલી અથડામણમાં નવાણિયો શખ્સ ઝપટે ચડી જતા તેને ઇજા થઇ હતી. જેનું સારવાર દરમિયાન મૃત્યુ થયું હતુ. પોલીસે બનાવ બાદ 9 શખ્સોની ધરપકડ કરી આગળની તપાસ આદરી હતી. ભાવનગર શહેરમાં 12 માર્ચના કરચલીયાપરા વિસ્તારના અગરિયાવાડના નાકા પાસે અજાણ્યા શખ્સોએ છરી વડે હુમલો કરતા 2 શખ્સોને ઈજા થઇ હતી. જેમાં 1 શખ્સનું સારવાર દરમિયાન મોત થયું હતુ. હત્યાના બનાવથી પોલીસ સ્થળ પર દોડી ગઈ હતી. જોકે, જેની હત્યા થઇ તે સમગ્ર ઘટનામાં ક્યાય ન હતો અને નવાણીયા શખ્સનો ભોગ લેવાઈ ગયો હતો. બનાવ બાદ પોલીસે કેટલાક લોકોની હાલ શંકાના આધારે ધરપકડ કરી છે.

આ પણ વાંચો:ભાવનગર: સિહોરના ટાણા વરલ રોડ પર તીક્ષ્ણ હથિયારના ઘા મારી યુવકની હત્યા

અજાણ્યા શખ્સોએ ઘરની બહાર નીકળતા કિશોર મકવાણા નામના વ્યક્તિ પર છરી વડે હુમલો કર્યો

ભાવનગરના કરચલીયાપરા વિસ્તારમાં મારામારીના બનાવો બનતા રહેતા હોય છે. ત્યારે 12 માર્ચના રોજ અગરિયાવાડ ચોકમાં અજાણ્યા શખ્સોએ ઘરની બહાર નીકળતા કિશોર મકવાણા નામના વ્યક્તિ પર છરી વડે હુમલો કર્યો હતો. સાથે અન્ય એક વ્યક્તિ પર પણ હુમલો થયો હતો. જયારે હુમલો થયો ત્યારે ભોગ બનનાર પણ અજાણ હતો કે તેના પર કોણે હુમલો કર્યો. જોકે, ઈજાગ્રસ્ત કિશોર હોસ્પિટલ પહોંચતા સારવાર દરમિયાન મોતને ભેટતા પોલીસ કાફલો ઘટનાસ્થળે દોડી ગયો હતો.

આ પણ વાંચો:ભાવનગરના એક જ વિસ્તારમાં બીજી કલાકે બીજી હત્યાથી ચકચાર

પોલીસે 9 શખ્સોની ધરપકડ કરી

કિશોર મકવાણા યાર્ડમાં મજુરી કામ કરે છે. તે ઘરેથી રાત્રે નીકળતા આરોપીઓએ અજાણ્યામાં છરી મારી દીધી અને કિશોર ભોગ બન્યો હતો. જોકે, ઝઘડો બીજા પક્ષ સાથે હતો અને ભૂલમાં નવાણીયો શખ્સ ભોગ બની ગયો હતો. આ મામલે પોલીસે 9 શખ્સોની ધરપકડ કરી છે. સમગ્ર ઘટનામાં 2 શખ્સોને ઈજા થઇ હતી, પરંતુ કિશોર ભૂલમાં ભોગ બની ગયો હતો. ત્યારે પોલીસે કાયદેસર ગુનો નોંધીને આગળની કાર્યવાહી હાથ ધરી છે.