મ્યુકોરમાઈકોસિસ જેટલું જ ઘાતકી Bacterial Infection : ભાવનગરમાં કરાઈ 50થી વધારે સર્જરી

રાજ્યમાં અત્યાર સુધીમાં બ્લેક ફંગસ ( Black Fungus ) એટલે કે મ્યુકોરમાઈકોસિસ ( mucormycosis ) તેમજ વ્હાઈટ ફંગસ ( White Fungus ) ના કેસ જોવા મળી રહ્યા હતા. આ બન્ને પ્રકારની ફંગસ ગંભીર સ્વરૂપ ધારણ કરે એવામાં ભાવનગરમાં બેક્ટેરિયલ ઇન્ફેક્શન ( Bacterial Infection ) ની 50થી વધુ સર્જરી કરવામાં આવી હોવાનું સર ટી. હોસ્પિટલના ડૉ. સુશીલ ઝાએ ETV Bharat સાથેની વાતચીતમાં જણાવ્યું હતું.

• mucormycosis ની જેમ જ ગંભીર Bacterial Infection
• Bhavnagar Civil Hospital માં કરવામાં આવી 50થી વધારે સર્જરી
• Bacterial Infection કોરોના વગરના દર્દીઓને પણ થઈ શકે છે

ભાવનગર: શહેરમાં મ્યુકોરમાઈકોસિસ ( mucormycosis ) જેવું જ ઘાતકી બેક્ટેરિયલ ઇન્ફેક્શન ( Bacterial Infection ) ની 50થી વધુ સર્જરી કરવામાં આવી છે. શરીરમાં આંખ, કાન, નાકમાં નુક્સાની થતા સર્જરી કરવી પડી છે અને કેટલાક દર્દીઓની આંખો પણ કાઢવામાં આવી હોવાનું જાણવા મળ્યું છે. બેક્ટેરિયલ ઇન્ફેક્શન ( Bacterial Infection ) કેવી રીતે થાય છે તેને લઈને સર ટી. હોસ્પિટલના ડૉ. સુશીલ ઝા સાથે ETV Bharat એ વાતચીત કરી હતી.

શું છે બેક્ટેરિયલ ઇન્ફેક્શન ( Bacterial Infection ) અને કેમ થાય છે ?

મ્યુકોરમાઈકોસિસ ( mucormycosis ) એટલે કે બ્લેક ફંગસ હોય ( Black Fungus ) કે પછી વ્હાઈટ ફંગસ ( White Fungus ), આ બધા જ એક પ્રકારના બેક્ટેરિયા છે. કોરોના થયા પછી કે કોરોના ન થયો હોય તો પણ બેક્ટેરિયલ ઇન્ફેક્શન ( Bacterial Infection ) થાય છે. ભાવનગર સર ટી. હોસ્પિટલના ENT વિભાગના વડા ડૉ. સુશીલ ઝા સાથે વાતચીત કરતા તેમણે ETV Bharat ને જણાવ્યું હતું કે, mucormycosis હોય કે પછી બેક્ટેરિયલ ઇન્ફેક્શન ( Bacterial Infection ) આ કોરોના પહેલા પણ હતા. આ રોગ ત્યારે જ થાય છે, જ્યારે માણસની સેલ્ફ ડિફેન્સ ક્લિનિંગ સિસ્ટમ બંધ થાય. આ સમયે બેક્ટેરિયા શરીરમાં પ્રવેશે છે. બેકટેરિયા અનેક પ્રકારના હોય છે. મોઢું તો લોકો સાફ કરે છે, પણ નાક નથી કરતા. નાકમાં પણ બેક્ટેરિયા હોય જ છે પણ આપણી સેલ્ફ ડિફેન્સ સિસ્ટમ તેને સાફ કરી નાંખતી હોય છે. જયારે આ સિસ્ટમ બંધ થઈ જાય એટલે ત્યાં બેક્ટેરિયા વધુ પ્રમાણમાં એકઠા થાય અને પછી નાકની આસપાસના વિસ્તાર આંખ, સાયનસ જેવા વિસ્તારમાં ફેલાય છે અને ડેમેજ કરે છે. જેથી માણસની તકલીફ વધે છે.

ભાવનગરની સર ટી. હોસ્પિટલમાં 179 સર્જરીઓ પૈકી 50થી 60 બેક્ટેરિયલ સર્જરી

ભાવનગર સર ટી. હોસ્પિટલમાં મ્યુકોરમાઈકોસિસ ( mucormycosis ) સાથે હવે અન્ય બેક્ટેરિયાનું ઇન્ફેક્શન જોવા મળ્યું છે. જેમાં 50થી વધુ સર્જરી થઈ ચૂકી છે. આ સર્જરીમાં વ્યક્તિને અન્ય બાહ્ય બેક્ટેરિયા જેવા કે ક્લિકસીલા, ઇકોલાઈઝ હોય છે. પેથોલોજીમાં રિપોર્ટ માટે મોકલવામાં આવે તો તેમાં માત્ર બેકટેરિયા જ આવે છે. આજ દિન સુધીની સર્જરીમાં 3 આંખો કાઢવામાં આવી છે. તો મોટા ભાગે નાકના ઓપરેશન કરવામાં આવ્યા છે એટલે બેક્ટેરિયલ ઇન્ફેક્શન કોરોના હોય કે ન હોય થાય છે. ભાવનગરની સર ટી. હોસ્પિટલમાં 179 સર્જરીઓ થઈ છે. જેમાં 50થી 60 બેક્ટેરિયલ સર્જરી છે. જ્યારે અન્ય મ્યુકોરમાઈકોસિસ ( mucormycosis ) ની સર્જરી છે.

બેક્ટેરિયલ ઇન્ફેક્શન ( Bacterial Infection ) કોને ઝડપથી થાય છે ?

કોરોના હોય કે ન હોય, પણ કોરોના કાળમાં લોકોને હવે પોતાના શરીરની પૂરી કાળજી લેતા શીખી જવું પડશે. રોગપ્રતિકારક શક્તિ વધારવાની સાથે બહારના બેક્ટેરિયાને શરીરમાં પ્રવેશતા રોકવા માટે માત્ર મોઢને સાફ રાખવું અને બ્રશ કરતા રહેવું તેવું જ નથી, પણ હવે આયુર્વેદની જડનીતિ અને અંગ્રેજીમાં જેને હાઇજીન ( Hygiene ) જેને કહેવામાં આવે છે તેનું પાલન કરવું પણ જરૂરી બની ગયું છે. હાલમાં બેક્ટેરિયલ ઇન્ફેજશન વધુ દવાનું પ્રમાણ, ઓક્સિજનનું વધુ પ્રમાણમાં લેવાના કારણે સેલ્ફ ક્લિનિંગ સિસ્ટમ બગડે છે અને બેક્ટેરિયાને પ્રવેશવાનો શરીરમાં માર્ગ મળે છે. ખાસ કરીને ચોમાસામાં કાનમાં ફંગસ વધુ થતું હોય છે. જે પણ જલ્દી મટી જતું હોય છે. એટલે હવે આધુનિક સમયમાં લોકોએ શરીરમાં બેકટેરિયાને રોકવા સ્વચ્છ અને સાફ સફાઈ રાખવી જરૂરી બની ગઈ છે.