કોરોનાની બીજી લહેરમાં ભાવનગરમાં ડુપ્લિકેટ સેનીટાઇઝરને નથી થઇ તપાસ

ભાવનગરમાં પ્રથમ લહેરમાં જ તપાસ બાદમાં બીજી લહેરમાં ડુપ્લીકેટ સેનિટાઇઝરને લઈ તપાસ થઇ નથી. શહેરમાં સેનીટાઇઝરની વધેલી માંગ વચ્ચે પ્રથમ લહેરમાં ભાવનગરમાં ડ્રગ વિભાગે 12 જેટલા સેમ્પલની ચકાસણી કરતા એક પણ સેમ્પલ ફેઈલ ગયું ન હતું ત્યારે બીજી લહેર પૂર્ણ થવા છતાં સેમ્પલ્સ લેવાયા નથી કે કોઈ સેનિટાઇઝર ડુપ્લીકેટ હોવાનું સામે આવ્યું નથી.

• બીજી લહેરમાં ભાવનગરમાં નથી કરાયું સેનેટાઇઝરનું સેનેટાઇઝરનું ચેકિંગ
• પહેલી લહેરમાં થયું હતું સેનેટાઇઝરનું ચેકિંગ
• એક પણ નમૂનો થયો ન હતો ફેઇલ

ભાવનગર: શહેરમાં પ્રથમ કોરોનાની લહેર આવતા માસ્ક સાથે સેનિટાઇઝર ખૂબ મહત્વનું બની ગયું હતું. સેનિટાઇઝરની ઉભી થયેલી અછતને પગલે શહેરમાં સેનિટાઇઝર મળવા મુશ્કેલ બન્યા હતા. ડુપ્લીકેટ સેનિટાઇઝરની શક્યતાઓ વધી ગઈ હતી. ત્યારે ભાવનગરમાં ડ્રગ વિભાગે આશરે 10 સ્થળો પર નમૂના લેવાય પણ કશું પકડાયું ન હતું. ડ્રગ ઇન્સ્પેકટર જી.એમ. ઠુમ્મર સાથે વાતચીત કરતા તેમને જણાવ્યુ હતું કે 10 થી 12 સેમ્પલ લેવામાં આવ્યા હતા. જેમાંથી એક પણ ફેઈલ ગયું નથી એટલે ભાવનગરમાં કોઈ ડુપ્લીકેટ સેનીટાઇઝર મળ્યું ન હતું

મેડિકલ સ્ટોરમાં હોય શકે છે ડુપ્લીકેટ દવા, સેનિટાઇઝર ?

ભાવનગર શહેરમાં મેડિકલ સ્ટોરમાં પ્રથમ લહેરમાં સેનિટાઇઝર ખૂટી પડ્યા ક્યાંક તો કાળાબજાર પણ થયા અને ભાવ વધારે લેવામાં આવ્યા તેવા પણ કિસ્સા જાણવા મળ્યા હતા પણ મેડિકલ સ્ટોરમાં ડુપ્લીકેટ સેનીટાઇઝરને સ્થાન મળ્યું નથી. તેની માટે ભાવનગરના એક મેડિકલ સ્ટોરના સંચાલક સાથે વાતચીત કરવામાં આવી હતી, તેને જણાવ્યું હતું કે એસોસિયેશનની સખ્ત વલણના પગલે કોઈ મેડિકલ ડુપ્લીકેટ દવા કે વસ્તુઓ રાખતા નથી પણ બીજા સ્થળો માધ્યમ બની શકે છે પણ તેવો કિસ્સો સામે આવ્યો હોય તેવું જાણવા મળ્યું નથી.

આ પણ વાંચો:આંધ્રપ્રદેશ: સેનિટાઇઝર પીવાથી સાત લોકોનાં મોત