ભાવનગરમાં એકાંતરે વરસાદથી ખેતીમાં ફાયદો, તો ક્યાંક લીલા દુકાળ જેવી સ્થિતિ કેમ?

ભાવનગર શહેર અને જિલ્લામાં મેઘરાજાની સવારે હવે એક દિવસ વિરામ અને બીજા દિવસે ધમાકેદાર રીતે નીકળી રહી છે. ભાવનગરમાં સિઝનનો વરસાદ 80 ટકા નોંધાયો છે પણ અમુક તાલુકામાં સિઝનનો વરસાદ 100 ટકા ઉપર જતાં લીલા દુકાળ જેવી સ્થિતિ પણ ઉભી થઇ છે. હવે મેઘરાજા વિરામ નહીં લે તો ઊભો પાક બગડવાની દહેશત છે.

• ભાવનગર જિલ્લામાં પાછોતરો વરસાદ 40 ટકા થતા 80.40 ટકા વરસાદ નોંધાયો
• સીઝનના 595 mm વરસાદ સામે 486 mm વરસાદ નોંધાયો
• એકાંતરે આવતા વરસાદમાં 24 સપ્ટેમ્બરે મહુવા તળાજા જેસરમાં એક ઇંચ વરસાદ
• જિલ્લામાં ત્રણ તાલુકામાં એક ઇંચથી વધુ વરસાદ તો મહુવામાં લીલા દુકાળ જેવી સ્થિતિ

ભાવનગરઃ ભાવનગર શહેરમાં ભાદરવાનો ભરપુર વરસાદ નોંધાયો છે. શહેર જિલ્લામાં મેઘરાજાની મહેરથી ખેતીના પાકને ફાયદો અને હવે અતિવરસાદ થવાથી લીલા દુકાળ જેવી સ્થિતિ સર્જાવા જઈ રહી છે. જો કે મહુવામાં સીઝનના કરતા વધુ વરસાદ આવવાથી લીલા દુષ્કાળ જેવી સ્થિતિ છે. જ્યારે જેસર અને તળાજામાં 50 ટકા વરસાદ હોવાથી ખેડૂતોને ફાયદો થઇ રહ્યો છે. 22 તારીખે વરસેલા વરસાદ બાદ એકાંતરે આજે 24 સપ્ટેમ્બરે મેઘરાજાએ જિલ્લાના 10 માંથી 4 તાલુકામાં વરસાદ વરસતા ક્યાંક ફાયદો તો ક્યાંક નુકશાનીની સ્થિતિ સર્જાઈ છે.

શહેર જિલ્લામાં ક્યાં કેટલો વરસાદ તાલુકામાં અને શું ટકાવારીભાવનગર શહેર અને જિલ્લામાં જોઈએ તો દસ તાલુકામાં વરસાદ નોંધાયો છે. દસ તાલુકામાં થયેલા વરસાદમાં 100 ટકા વરસાદ બે તાલુકામાં નોંધાઇ ચૂક્યો છે. આ બે તાલુકા ઘોઘા અને મહુવા છે જ્યાં વરસાદની ટકાવારી ઘોઘામાં 104.87 ટકા અને મહુવામાં 104.44 ટકા વરસાદ નોંધાઇ ચૂક્યો છે. જ્યારે સૌથી ઓછો વરસાદ દસ તાલુકામાંથી ત્રણ તાલુકા સિહોર,જેસર અને તળાજામાં નોંધાયો છે આ ત્રણ તાલુકામાં જોઈએ તો જેસરમાં 54.39 ટકા, સિહોર 51.77 ટકા અને તળાજા 57.29 ટકા નોંધાયો છે અને ત્યાં હજુ 40 ટકા વરસાદની જરૂરિયાત છે હવે જોઈએ જરૂરિયાત કેટલી અને વરસાદ વરસ્યો કેટલો તાલુકા પ્રમાણે નીચે મુજબ છે.

તાલુકો	જરુરિયાત	વરસેલો વરસાદ	ટકાવારી
ભાવનગર	689 mm	684 mm	99.21 ટકા
ઉમરાળા	546 mm	461 mm	84.39 ટકા
વલભીપુર	589 mm	456 mm	77.36 ટકા
ઘોઘા	613 mm	615 mm	100.31 ટકા
પાલીતાણા	587 mm	454 mm	77.31 ટકા
તળાજા	567 mm	330 mm	57.29 ટકા
સિહોર	622 mm	317 mm	51.00 ટકા
ગારીયાધાર	463 mm	459 mm	99.21 ટકા
મહુવા	630 mm	658 mm	104.44 ટકા
જેસર	660 mm	359 mm	54.39 ટકા

ઉપરોક્ત વરસાદની ટકાવારી પ્રમાણે જોઈએ તો જિલ્લાને કુલ 606 ટકા વરસાદની સિઝનની જરૂરિયાત છે ત્યારે હાલમાં સિઝનનો વરસાદ 80.40 ટકા નોંધાયો છે એટલે કે 486 mm વરસાદ નોંધાયો છે જ્યારે 100 ટકા વરસાદમાં 20 ટકા વરસાદની ઘટ રહી છે.

આ પણ વાંચોઃ ભાવનગર જિલ્લામાં 20 ટકા વરસાદની હજુ ઘટ, જાણો ડેમમાં પાણીની સ્થિતિ

આ પણ વાંચોઃ શેત્રુંજી ડેમમાં ઉપરવાસમાં વરસાદથી પાણી આવક વધી, સપાટી 32 ફૂટ 10 ઈંચે પહોચી