Bhavnagar Market Yard માં મગફળીના ટેકાના ભાવ કરતા ઊંચા ભાવ, 4619 રજિસ્ટ્રેશન થયાં

ભાવનગર માર્કેટ યાર્ડમાં (Bhavnagar Market Yard ) મગફળીના ટેકાના ભાવ કરતા ઊંચા ભાવ મળી રહ્યા છે. સૌથી ઊંચા ભાવ 1550 જ્યારે સૌથી નીચા ભાવ 850 છે. તેવામાં હજુ ટેકાના ભાવની ખરીદી નવેમ્બરમાં થવાની શક્યતા છે. હાલ ટેકાના ભાવ માટે રજિસ્ટ્રેશન કરવામાં આવ્યું છે. હાલમાં બહારના રાજ્યના વેપારીઓ ખરીદી કરવા આવતા ભાવ ઊંચા ગયાં છે.

• ભાવનગર યાર્ડમાં 1550 મગફળીના ટેકાના ભાવ કરતા ઊંચા ભાવ બોલાયાં
• ટેકાની ખરીદી માટે હજુ રજિસ્ટ્રેશન 4619 થયાં
• મગફળીના ખેડૂતોને મળી રહ્યો છે 1550નો ભાવ

ભાવનગરઃ ભાવનગર યાર્ડમાં (Bhavnagar Market Yard ) મગફળીની રોજની ત્રણ હજાર ગુણીની આવકનો પ્રારંભ થયો છે. આંધ્રપ્રદેશ અને બિહારના રાજ્યના વેપારીઓ મગફળીની ખરીદી કરી રહ્યા છે. ટેકાના ભાવ કરતા વધુ 850થી 1550 સુધી ભાવ મળતા ખેડૂતોમાં આનંદ છે. ટેકાના ભાવમાં હજુ 4619 ખેડૂતોનું રજિસ્ટ્રેશન થયું છે. સૌરાષ્ટ્ર સહિત ભાવનગરમાં મગફળીના વાવેતર બાદ યાર્ડમાં આવકમાં વધારો થયો છે. ભાવનગરમાં હાલ 3 હજારથી વધુ ગુણીની આવક થતા હવે મગફળી લાવવા પર પ્રતિબંધ મુકવાની સ્થિતિ આવી શકે છે. જો કે મગફળીના ભાવ ટેકાના ભાવ કરતા ઊંચા મળતા અને બહારના રાજ્યના વેપારીની ખરીદીથી ખેડૂતો ખુશ છે.

મગફળીની આવક યાર્ડમાં કેટલી અને કેટલું વાવેતર હતું

ભાવનગર માર્કેટિંગ યાર્ડમાં મગફળીની આવક 3 હજાર કરતા વધી ગઈ છે રોજ 500 થી 700 ગુણી પડતર રહે છે. યાર્ડમાં હાલ ભાવ 850 થી લઈને 1550 રૂપિયા સુધી મળી રહ્યાં છે. ખેડૂતોમાં આનંદની લાગણી છવાઈ છે. ભાવનગર જિલ્લામાં મગફળીનું વાવેતર 1.19 લાખ હેકટરમાં કરવામાં આવ્યું હતું. જેમાં પાછોતરા વરસાદના પગલે કપાસને નુકશાન ગયું હતું. પરંતુ મગફળીને પાણી વધુ મળવાથી સારું ઉત્પાદન થયું હોવાનું સાબિત થઈ રહ્યું છે તેમ યાર્ડના સેક્રેટરી દોલુભા રોયલાએ જણાવ્યું છે.

યાર્ડમાં બહારના રાજ્યોના વેપારીની ખરીદી

ભાવનગર યાર્ડમાં હાલમાં 9 અને 20 નંબરની આવતી મગફળીની ખરીદી કરવા માટે બહારના રાજ્યોના વેપારીઓ આવી રહ્યા છે. આ વેપારી ભાવનગર સહિત રાજકોટ,ગોંડલ જૂનાગઢ જેવા ક્ષેત્રમાં ખરીદી કરી રહ્યા છે. ભાવનગરમાં પણ આંધ્રપ્રદેશ અને બિહારના વેપારીઓ ખરીદી કરતા હોવાથી 9 અને 20 નંબરની મગફળીના ભાવ ઊંચા છે. જોકે ટેકાના ભાવની ખરીદી કરતા યાર્ડના ભાવ ઊંચા છે ત્યારે હાલમાં જિલ્લાની આશરે 650થી વધુ ગ્રામ પંચાયતોમાં મગફળીના રજિસ્ટ્રેશન માટે પ્રક્રિયા થઈ રહી છે જે 31 ઓક્ટો્બર સુધી ચાલશે. હાલમાં 4619 ખેડૂતોએ રજિસ્ટ્રેશન કરાવ્યું છે અને બાદમાં પાંચ કેન્દ્રો પર ખરીદી શરૂ થશે. જિલ્લામાં તળાજા, ગારીયાધાર, પાલીતાણા, મહુવા અને ભાવનગરમાં ખરીદીનો પ્રારંભ થશે.

આ પણ વાંચોઃ બનાસકાંઠા જિલ્લામાં Groundnut Prices Rise, ટેકાના ભાવ કરતાં વધુ ભાવ

આ પણ વાંચોઃ સાબરકાંઠાનું હિંમતનગર APMC મગફળીથી ઊભરાયું, ઊંચા ભાવ મળતા ખેડૂતો ખુશ