ભાવનગરઃ જિલ્લા અને શહેરમાં સ્વયંભૂ બંધ પાળવામાં આવ્યું છે, કોરોના સામે લડવા માટે ડોકટરની જેમ સફાઈ કામદારોએ પણ આજે શહેરની ગલીઓમાં જઈને સફાઈ કરી હતી. ભાવનગરમાં જનતા કરફ્યૂનો મનપાએ અદભુત લાભ ઉઠાવ્યો છે. વધુ સફાઈ કામદાર લાવીને સફાઈ કામગીરી હાથ ધરી છે.
ભાવનગરમાં જનતા કરફ્યુનો સદુપયોગઃ ડોકટરની જેમ જીવને જોખમમાં મુકી સફાઈ કામદાર મેદાનમાં સોલિડ વેસ્ટ વિભાગે એક દિવસ પૂર્વે જ આયોજન કર્યું અને પોતાના એક હજારથી વધુ સફાઈ કામદાર ભાડા પેટે લીધા અને સમગ્ર શહેરમાં જનતા કરફ્યૂનો લાભ લઈને મનપાના સોલિડ વેસ્ટ વિભાગે શહેરને સેનિટાઇઝર કર્યું હતું. સલામ છે એ કર્મચારીઓને કે જ્યાં એક ચકલું ફરકતું ના હોઈ અને પીવાનું પાણી ન હોઈ ત્યારે પણ લોકોને ઘરમાં રાખીને ગામની સફાઈ કર્મચારીઓ પોતાના જીવને જોખમમાં મૂકીને લડાઈ લડી રહ્યા છે.
