ભાવનગર: ભાવનગર શહેરમાં વધતા જતા કોરોના કેસને પગલે તંત્ર દ્વારા જાહેરનામું બહાર પાડવામાં આવ્યું છે જેના અંતર્ગત દુકાનો પર ભીડ એકત્ર થવા પર પ્રતિબંધ છે. સોશીયલ ડિસ્ટન્સ તેમજ માસ્ક પહેરવા જેવા નિયમો ન પાળનાર સામે કડક કાર્યવાહી હાથ ધરવામાં આવી છે.
ભાવનગર શહેરમાં મનપાની ટીમે શહેરના પોશ વિસ્તાર એટલે બિઝનેસ સેન્ટર અને મુખ્ય બજારમાં તપાસ હાથ ધરી હતી. બિઝનેસ સેન્ટરમાં એક દુકાન પર સાત જેટલા લોકો એકઠા થયા હતા અને સોશીયલ ડિસ્ટન્સનું પાલન પણ થયું ન હતું. જેને પગલે ચેકીંગમાં નીકળેલી ટીમ દ્વારા એવી દુકાનોને સીલ મારી દેવામાં આવ્યું હતું.