ભાવનગર: ભાવનગરમાં હજુ જ્વેલર્સના વેપારીના અપહરણ અને ખંડણીનો મામલો પોલીસે થાળે પડ્યો છે, ત્યાં ફરી ભાવનગરમાં ખંડણીની ફરિયાદ નોંધાતા પોલીસ એક્શનમાં આવી છે. જમીન લે-વેચનું કામ કરનારા બીલાલભાઈને શોધવા 4 શખ્સો એકાઉન્ટન્ટની ઓફિસમાં ગયા અને તોડફોડ કરી બાદમાં બિલાલભાઈએ 4 સામે ખંડણીની ફરિયાદ નોંધાવી છે.
2.5 કરોડની ખંડણી માટે તોડફોડની ફરિયાદ, આરોપીની ધરપકડ ભાવનગરના ભીલવાડા સર્કલમાં એકાઉન્ટન્ટની ઓફીસમાં 4 શખ્સોએ જઈને 2.5 કરોડની ખંડણી બાબતે તોડફોડ કરી હતી. ફરિયાદી બિલાલ લાકડીયાએ 4 શખ્સો સામે પોલીસ ફરિયાદ નોંધાવી છે. એકાઉન્ટન્ટની કચેરીમાં પ્રિન્ટર જેવી ચીઝ વસ્તુઓ તોડીને 40થી 50 હજારનું નુકસાન કર્યાની ફરિયાદ 4 શખ્સો સામે નોંધવામાં આવી છે. મળતી માહિતી મુજબ, પોલીસે 4 શખ્સોને ઝડપી લઇ આગળની કાર્યવાહી હાથ ધરી છે.
