અમદાવાદની સિવિલ હોસ્પિટલના ચોથા માળેથી કૂદ્યો યુવક, વીડિયો વાયરલ

અમદાવાદમાં આવેલી સિવિલ હોસ્પિટલમાં આજે (ગુરુવાર) સવારે અચાનક જ એક યુવકે આત્મહત્યા કરવાનો પ્રયાસ કર્યો હતો. આ યુવકે હોસ્પિટલના જી બ્લોકના ચોથા માળેથી નીચે કુદીને આત્મહત્યાનો પ્રયાસ કર્યો હતો. જોકે, હાલમાં તો આ યુવકે આત્મહત્યાનો પ્રયાસ કેમ કર્યો તે જાણવા નથી મળ્યું, પરંતુ યુવકને અત્યારે સારવાર હેઠળ ખસેડાયો છે.

• સિવિલ હોસ્પિટલમાં જી બ્લોકના ચોથા માળેથી કૂદી યુવકે આત્મહત્યાનો પ્રયાસ કર્યો
• ઘટનાસ્થળે હાજર લોકોએ આત્મહત્યા કરનારા યુવકનો વીડિયો બનાવ્યો
• યુવક અત્યારે સારવાર હેઠળ છે, નીચે પતરાં હોવાથી યુવકનો જીવ બચી ગયો

અમદાવાદઃ અસારવા વિસ્તારમાં આવેલી સિવિલ હોસ્પિટલમાં આજે (ગુરુવાર) સવારે એક યુવકે આત્મહત્યા કરવાનો પ્રયાસ કર્યો હતો. નરેશ સોલંકી (ઉં.વ.35) નામના યુવકે હોસ્પિટલના જી બ્લોકના ચોથા માળેથી નીચે ઝંપલાવ્યું હતું. હાલમાં આ યુવકને ગંભીર ઈજા પહોંચી હોવાથી તેને સારવાર માટે મોકલવામાં આવ્યો હતો જેમાં ડોક્ટરોએ તેને મૃત ઘોષિત કર્યો હતો. આ યુવક ચોથા માળેથી કુદી રહ્યો છે. તેનો વીડિયો અત્યારે વાઈરલ થઈ રહ્યો છે. આ વીડિયોમાં જોઈ શકાય છે કે, એક યુવક ચોથા માળેથી નીચે કૂદવાનો પ્રયાસ કરી રહ્યો છે. સ્થાનિકોએ ફાયર બ્રિગેડને જાણ કરી હતી. ઘટનાસ્થળે પહોંચેલા ફાયરના જવાનોએ યુવકને આવું ન કરવા સમજાવ્યો હતો, પરંતુ તેમ છતાં યુવક નીચે કૂદી પડ્યો હતો.

આ પણ વાંચો : કચ્છમાં મેઘરાજા મન મુકીને વરસ્યા, ખેડૂતોમાં ખુશીની લાગણી ફેલાઈ

ફાયરના જવાનોએ સમજાવ્યો છતાં યુવકે નીચે ઝંપલાવ્યું

ફાયર બ્રિગેડના જણાવ્યા મુજબ, અમે આ યુવકને સમજાવ્યો છતાં તે નીચે કૂદી ગયો હતો અને તેનુ મૃત્યુ હતું. યુવક જેવો નીચે કૂદવા જતો હતો ત્યારે સ્થાનિકોએ ફાયર બ્રિગેડના જવાનોને જાણ કરી હતી. જ્યારે ફાયર બ્રિગેડના જવાનોએ પણ સમજવ્યો છતા આ યુવક નીચે કૂદી ગયો હતો. હાલમાં તો આ યુવક બેભાન થઈ ગયો છે. ત્યારે લોકોએ આ ઘટનાનો લાઈવ વીડિયો બનાવી લીધો હતો.