અમદાવાદના આ શિક્ષક કાશ્મીરમાં જઈને શિક્ષા આપે છે

આજે ETV Bharat દ્વારા અમે એવા શિક્ષકની વાત કરવા જઈ રહ્યા છીએ, જે એવા વિસ્તારમાં શિક્ષણનીનો પાયો સુધારી રહ્યા છે કે જે જગ્યાને ધરતી પરનું સ્વર્ગ કહેવામાં આવે છે. લોકો ત્યાં ફરવા જવાના સપના જોતા હોય છે. જ્યારે વધુ પડતા લોકો ત્યાં પગ મૂકતાં કે ફરવા જવાનું વિચારતાં ડરનો અનુભવ કરતા હોય છે.

• વિધાર્થીઓને શીખવે છે નવી પેઢીનું શિક્ષણ
• બાળકોથી માંડી યુવાનોમાં છે પ્રચલિત તેમનું વ્યક્તિત્વ
• કાશ્મીરના શિકારામાં રહીને પુરા વિશ્વમાં કોડિંગનું શિક્ષણ આપે છે
• નવી જનરેશન માટે ખૂબ જરૂરી છે કોડિંગનું શિક્ષણ

અમદાવાદઃ શહેરના એક શિક્ષક વિદ્યાર્થીઓને શિક્ષણ આપવા કાશ્મીરમાં જાય છે. આ શિક્ષક કાશ્મીરના વિદ્યાર્થીઓને સફળ બનાવવા માટે કાશ્મીરમાં જાય છે.

બાળકોથી માંડીને યુવાનોમાં પણ પ્રચલિત

શિક્ષક ડૉ.શ્યામ ચાવડાના કારણે કાશ્મીરના સ્થાનિક લોકોને પણ નવું જાણવા મળ્યું હતું. આ સાથે જ તેમના બાળકો પણ ડૉ.શ્યામ ચાવડા પાસે જ્ઞાન મેળવીને કંઈક સારું મેળવી શકશે તેવી અપેક્ષા પર ખરા ઉતર્યા છે. આ અમદાવાદી શિક્ષક ડૉ.શ્યામ ચાવડાને જોઈને વિદ્યાર્થીઓ અને ત્યાંના વાલીઓના ચહેરા ખીલી ઉઠે છે.

અમદાવાદના આ શિક્ષક કાશ્મીરમાં જઈને શિક્ષા આપે છે

અમદાવાદના શિક્ષક ડૉ.શ્યામ ચાવડાએ જણાવ્યું કે, તેમણે લોકડાઉન બાદ કાશ્મીરમાં જઈને બાળકોને શિક્ષણ આપ્યું હતું અને આ સાથે જ તેમણે સમગ્ર વિશ્વમાં રહેલા તેમના વિધાર્થીઓને ઓનલાઇન કોડિંગનું જ્ઞાન આપ્યું હતું.

માર્ચ મહિનામાં કાશ્મીરની મુલાકાત

આ શિક્ષકે જણાવ્યું કે, તેમણે માર્ચ મહિના દરમિયાન કાશ્મીરની મુલાકાત લીધી હતી. આ સમયે તેમણે એક સ્કૂલની મુલાકાત પણ લીધી હતી. જેના આચાર્ય આ શિક્ષકના મિત્ર બની ગયા હતા. જેથી તેમણે કાશ્મીરમા વિદ્યાર્થીઓને અભ્યાસ કરાવવાનું નક્કી કર્યું હતું.

અમદાવાદના આ શિક્ષક કાશ્મીરમાં જઈને શિક્ષા આપે છે

સમગ્ર વિશ્વમાં આપે શિક્ષણ

કાશ્મીરની સ્કૂલમાં ભણાવવા સાથે એક્ટિવિટી કરી અમદાવાદમાં કોડિંગ અને પ્રોગ્રામિંગના ક્લાસ શરૂ કરનારા ડૉ.શ્યામ ચાવડા અમદાવાદ સહિત વિશ્વના ઘણા દેશો જેમ કે ઓસ્ટ્રેલિયા, દુબઈ, અમેરિકા વગેરે સહિતના દેશમાં રહેતા વિદ્યાર્થીઓને ઓનલાઈન શિક્ષણ આપે છે.