શેર બજારમાં ભારે વેચવાલીથી નરમાઈ, સેન્સેક્સ વધુ 87 પોઈન્ટ ઘટ્યો

શેર બજારમાં સોમવારના રોજ સપ્તાહના પ્રથમ દિવસે નરમાઈ જોવા મળી હતી. એશિયાઈ અને અમેરિકન સ્ટોક માર્કેટના નરમાઈ તરફી અહેવાલોને પગલે શેરોમાં વેચવાલી આવી હતી. જેના કારણે મુંબઈ શેર બજારનો સેન્સેક્સ 86.95(0.17 ટકા) ઘટીને 49,771.29 પર બંધ રહ્યો હતો. તેમજ નિફટી ઈન્ડેક્સ 7.6(0.05 ટકા) ઘટીને 14,736.40 પર બંધ થયો હતો.

• શેર બજારમાં સતત નરમાઈ તરફી ટોન
• FIIની વેચવાલી
• કોરોનાના કેસ સતત વધતાં જતાં હોવાથી માર્કેટમાં ચિંતાનો માહોલ

અમદાવાદ : એશિયાઈ સ્ટોક માર્કેટની નરમાઈના અહેવાલોને પગલે ભારતીય શેર્સના ભાવ નીચા મથાળે ગેપમાં ખુલ્યા હતા. ભારત દેશ અને વિદેશના અનેક શહેરોમાં કોરોનાના કેસ સતત વધી રહ્યા છે અને જનતા લોકડાઉનનો વિરોધ કરી રહી છે. આવા સંજોગોમાં વિદેશના સ્ટોક માર્કેટની નરમાઈના અહેવાલો હતા. તેમજ અમેરિકી બોન્ડના યિલ્ડમાં વધારો થતાં વિદેશી નાણા સંસ્થાઓએ વેચવાલી કાઢી હતી. જેને પગલે ભારતીય તેજીવાળા ઓપરેટર્સે પણ વેચવાલી કાઢી હતી, જેથી શેરોના ભાવ ઘટ્યા હતા.

આ પણ વાંચો -શેર માર્કેટમાં સેન્સેક્સ આજે 282 પોઈન્ટ પર ખૂલ્યો, નિફ્ટી 15 હજારને પાર

સેન્સેક્સ 86.95 ઘટ્યો

મુંબઈ શેરબજારનો સેન્સેક્સ આગલા બંધ 49,858.24ની સામે આજે સોમવારે 49,878.77 ખુલ્યો હતો, જે ટ્રેડિંગ સેશન દરમિયાન ઝડપથી ઘટીને 49,281.02 થયો હતો, જે છેલ્લા કલાકમાં ઘટયા મથાળેથી ઝડપી સુધરીને 49,771.29 બંધ રહ્યો હતો, જે 86.95નો ઘટાડો દર્શાવે છે.

આ પણ વાંચો -સેન્સેક્સ 1,400 પોઈન્ટ ગબડ્યો, નિફ્ટી 9,450ની સપાટી પર

નિફટી ઈન્ડેક્સ 7.60 ઘટ્યો

નેશનલ સ્ટોક એક્સચેન્જનો નિફટી ઈન્ડેક્સ આગલા બંધ 14,744ની સામે આજે સવારે 14,736.30 ખુલ્યો હતો, જે ટ્રેડિંગ સેશન દરમિયાન શરૂમાં વધી 14,763.90 થઈ અને ત્યાંથી ઝડપી ઘટી 14,597.85 થઈ અને ટ્રેડિંગ સેશનને અંતે 14,736.40 બંધ રહ્યો હતો, જે 7.60ની નરમાઈ દર્શાવે છે.

ટ્રેડિંગ સેશનના છેલ્લા કલાકમાં નવી લેવાલી આવી

ટ્રેડિંગ સેશનના મધ્યભાગ પછી લોકસભામાં ઈન્સ્યોરન્સ સેક્ટરમાં FDI બિલ પાસ થઈ ગયું છે. જેથી હવે વીમા ક્ષેત્રમાં 74 ટકા સુધીનું વિદેશી રોકાણ કરી શકાશે. જે સમાચારની શેર બજારના સેન્ટિમેન્ટ પર પોઝિટિવ અસર પડી હતી. પરિણામે ટ્રેડિંગ સેશનના છેલ્લા કલાકમાં નીચા મથાળે નવું બાઈંગ આવ્યું હતું. જેથી માર્કેટ ઘટ્યા મથાળેથી સુધર્યું હતું. જો કે ઓવરઓલ સેન્ટિમેન્ટ નરમાઈ તરફી રહ્યું હતું.

આ પણ વાંચો -બિઝનેસ 360° : એક નજર સાપ્તાહિક બિઝનેસ ન્યૂઝ પર