રીફંડની રકમ પોતાની પાસે રાખવાની સત્તા મહેસૂલ વિભાગ પાસે નથીઃ હાઈકોર્ટ

વેલ્યુ એડેડ ટેક્સ (VAT) ટ્રીબ્યુનલ દ્વારા ખાનગી કંપની રીફંડ ચૂકવવાનો આદેશ કર્યા છતાં મહેસૂલ વિભાગે રીફંડ ન કરતાં હાઇકોર્ટમાં દાખલ કરાયેલી રિટ મુદ્દે જસ્ટિસ જે. બી. પારડીવાલા અને જસ્ટિસ ભાર્ગવ કારિયાની ખંડપીઠે નોંધ્યું હતું કે, મહેસૂલ વિભાગને એક્સેસ એટલે કે વધારાનો ટેક્સ તેની પાસે રાખવાની સત્તા નથી. જેથી રીફંડ રકમ કરદાતાઓને પરત આપી દેવી જોઇએ.

અમદાવાદઃ વડોદરાની ઓઇલ-ગેસ ક્ષેત્ર કંપનીએ હાઇકોર્ટમાં દાખલ કરેલી અરજીમાં આક્ષેપ કર્યો છે કે તેમણે સેન્ટ્રલ સેલ્સ ટેક્સ વિભાગને ચાર ટકાને બદલે 10થી 12.5 ટકા દરે ટેક્સ ચૂકવ્યો પરંતુ તેમને કોઈ પણ પ્રકારનો રીફંડ આપવામાં આવ્યું નથી. ખાનગી કંપનીને સંબંધિત વિભાગ પાસેથી 1.80 કરોડ રૂપિયા પરત લેવાના થાય છે.

અરજદાર દ્વારા હાઇકોર્ટમાં આક્ષેપ કરવામાં આવ્યો હતો કે આ અંગે જ્યારે ગુજરાત વેલ્યુ એડેડ ટેક્સ ટ્રીબ્યુનલમા અરજી કરાઇ ત્યારે ટ્રીબ્યુનલે પણ આ રકમ અરજદારને પરત કરવાનો આદેશ કર્યો હતો. જોકે તેમના કરતાં અરજદારે રીફંડ મેળવવા માટે હાઇકોર્ટમાં અપીલ અરજી દાખલ કરી હતી. હાઈકોર્ટે સરકારને રીફંડની રકમ ૬ ટકાના વ્યાજના દરે ત્રણ મહિનાની સમયમર્યાદામાં ચૂકવવાનો આદેશ કર્યો છે.