અમદવાદ: હાઈકોર્ટે જાહેરહિતની અરજીમાં કરવામાં આવેલી રજૂઆત પર અવલોકન કરતાં કહ્યું કે ઘણા કેદીઓ વચગાળા જામીન પર બહાર છે જ્યારે જેલ સત્તાધીશો સમક્ષ સરેન્ડર થાય ત્યારે જેલ સત્તાધીશોએ આરોપીના શરીરનું તાપમાન અને અન્ય વસ્તુઓની ખાતરી કરવી અને નિયમોને અનુસરવું જોઈએ.
તમામ કેદીઓને સમાન ગણી વચગાળા જામીન આપવાની અરજી હાઈકોર્ટે ફગાવી હાઈકોર્ટમાં દાખલ કરાયેલી જાહેરહિતની અરજીમાં રજૂઆત કરવામાં આવી હતી કે તમામ કેદીઓને બંધારણની કલમ 21 મુજબ સમાન ગણવા જોઈએ અને જે રીતે કાચા કામના કેદી એટલે કે અંડર ટ્રાયલ કેદીઓને હાઈકોર્ટ દ્વારા બે-વાર વચગાળા જામીન લંબાવી રાહત આપી છે, એ જ રીતે દોષિત, ડિટેઇન, અને અન્ય આરોપીઓની વચગાળા જામીન, ફરલો અને પેરોલ લંબાવવામાં આવે. નોંધનીય છે કે ગુજરાત હાઈકોર્ટે 29મી જૂનના રોજ કરેલા આદેશમાં અંડર ટ્રાયલ કેદીઓના 31મી ઓગસ્ટ સુધી વચગાળાના જામીન વધાર્યા હતાં. તમામ કેદીઓને સમાન ગણી વચગાળા જામીન આપવાની અરજી હાઈકોર્ટે ફગાવી હાઇકોર્ટમાં દાખલ કરાયેલી અરજીમાં વધુમાં રજૂઆત કરવામાં આવી છે કે કોરોના મહામારીને લીધે જેલમાં બંધ કેદીઓને પણ કોરોના થઈ રહ્યો છે, ત્યારે તેમના સ્વાસ્થ્યને પણ જોખમ છે ત્યારે તેમની વચગાળા જામીન અને પેરોલ વધારવામાં આવે. અગાઉ ગુજરાત હાઈકોર્ટમાં દાખલ કરાયેલી જાહેરહિતની અરજીના આધારે કોર્ટે કાચાકામના કેદીઓના વચગાળા જામીન 45 દિવસ સુધી વધારી આપ્યાં હતાં.
