વોટ્સએપ ચેટનો આધાર માનીને કોર્ટે આરોપીના જામીન મંજૂર કર્યા

અમદાવાદના વટવા જીઆઈડીસી પોલીસ સ્ટેશન વિસ્તારમાં નોંધાયેલી દુષ્કર્મની ફરિયાદ કેસમાં બુધવારે વોટ્સએપ ચેટને આધારે અમદાવાદ સિટી સિવિલ અને સેશન્સ કોર્ટે આરોપી જૈનમ શાહના જામીન મંજૂર કર્યા છે.

અમદાવાદઃ આ કેસનો આરોપી જૈનમ શાહના વકીલ તરફે કોર્ટમાં રજૂઆત કરવામાં આવી હતી કે, પીડિતા અને આરોપી એકબીજાના પ્રેમમાં હતાં અને આ બાબત તેમના વોટ્સએપ ચેટથી પુરવાર થાય છે. આ ચેટમાં બન્ને એકબીજાને પતિપત્ની તરીકે માન આપતાં હતાં. જેથી આરોપીએ બળજબરીપૂર્વક તેની સાથે દુષ્કર્મ આચર્યું હોય તેવું સાબિત થતું નથી. આ સાથે જ સરકારી વકીલ તરફે રજૂઆત કરવામાં આવી હતી કે પીડિતા સાથે બળજબરીપૂર્વક દુષ્કર્મ આચરવામાં આવ્યું હતું. કોર્ટે વોટ્સએપ ચેટ દરમિયાન થયેલી વાતચીતને ધ્યાનમાં રાખીને આરોપીના જામીન મંજૂર કર્યાં હતાં.

વોટ્સએપ ચેટને આધાર માનીને કોર્ટે આરોપીના જામીન મંજૂર કર્યા

આ સમગ્ર કેસની વિગત એવી છે કે, અમદાવાદના વટવા જીઆઈડીસી વિસ્તારમાં રહેતા આરોપી અને પીડિતા વચ્ચે પ્રેમસંબંધ હતો અને ત્યારબાદ તેમના શારીરિક સંબંધો પણ બંધાયાં હતાં. જો કે, યુવતીના પિતા દ્વારા દુષ્કર્મની ફરિયાદ કરાતાં આરોપીની ધરપકડ કરાઇ હતી.