- કોરોનાના વધતા કેસની સ્થિતિ ઉપર સુપ્રીમ કોર્ટનો મહત્વપૂર્ણ નિર્દેશ
- જેલમાં ભીડ ઓછી થાય તે માટે સુપ્રીમ કોર્ટનો નિર્દેશ
- કેદીઓ અને સ્ટાફની પણ નિયમિત મેડીકલ તપાસ કરવા સુપ્રીમ કોર્ટની સૂચના
અમદાવાદઃ કોરોના સંક્રમણની હાલની પરિસ્થિતિને જોતા સુપ્રીમ કોર્ટે એક મહત્વનો નિર્દેશ આપ્યો છે. સુપ્રીમ કોર્ટે એક આદેશ આપતાં જણાવ્યું છે કે કોરોનાની મહામારીને કારણે દરેક આરોપીઓને જેલ સુધી લાવવાની જરૂર નથી. જે ગુનાઓની સજા સાત વર્ષ કે તેનાથી ઓછી હોવાની સંભાવના હોય તેમને જેલમાં નાખવાની હાલના સમય પૂરતું જરૂરિયાત નથી. જે કેદીઓ જેલમાં છે તેમની માટે પણ મેડિકલ સુવિધા ઊભી કરવામાં આવે તેવો નિર્દેશ આપવામાં આવ્યો છે.
આ પણ વાંચોઃ કોરોના મહામારીઃ ઓક્સિજન અને દવાની સપ્લાય અંગે સુપ્રીમ કોર્ટમાં સુનાવણી ચાલુ
ગત વર્ષે પણ અપરાધીઓને અસ્થાયી મુદ્દત માટે પેરોલ ઉપર મુક્ત કરવા સુપ્રીમ કોર્ટે આપ્યા હતા આદેશ
એકબીજાના સંપર્કમાં આવતા હોવાથી કોરોનાની બીમારી ફેલાતી હોવાના કારણે સુપ્રીમ કોર્ટે આ નિર્દેશ આપ્યો છે. જેલમાં જ મોટા પ્રમાણમાં ભીડ ભેગી થશે તો ત્યાં પણ કોરોનાનો સંક્રમણ ફેલાતા વાર ન લાગે. આ સ્થિતિને જોઈને જ સુપ્રીમ કોર્ટે નિર્દેશ આપ્યો છે. ગત વર્ષે પણ સુપ્રીમ કોર્ટે સાત વર્ષથી ઓછી સજા નો હોય તેવા મામલાઓમાં આરોપીઓને અસ્થાયી રીતે મુક્ત કરવાના આદેશ આપ્યા હતા. જે માટે સુપ્રીમ કોર્ટે રાજ્ય, કેન્દ્ર અને હાઈપાવર કમિટીની નિમણૂક કરવા માટે આદેશ આપવામાં આવ્યો હતો. કેન્દ્ર અને રાજ્યો દ્વારા બનાવવામાં આવેલી સમિતિઓને સુપ્રીમ કોર્ટે ફરી વાર જણાવ્યું છે કે, તેઓ એવા કેદીઓની ઓળખ કરે કે જેમને અસ્થાઈ રીતે મુક્ત કરી શકાય.
કોરોનાની સ્થિતિને લઇ સુપ્રીમ કોર્ટનો મહત્વપૂર્ણ નિર્દેશ આ પણ વાંચોઃ ઓક્સિજનના પુરવઠા અંગેનું BMC મોડલ દેશભરમાં લાગુ થવુ જોઇએ : સુપ્રીમ કોર્ટ
શું કહે છે ગુજરાત હાઈકોર્ટના વકીલ હાર્દિક બ્રહ્મભટ્ટ?
ગુજરાત હાઇકોર્ટના એડવોકેટ હાર્દિક બ્રહ્મભટ્ટે જણાવ્યું હતું કે, નામદાર સુપ્રીમ કોર્ટે તમામ રાજ્યોની હાઇકોર્ટને નિર્દેશ કર્યો છે કે, તેઓ એક હાઈપાવર કમિટીની નિમણુક કરે. આ હાઈપાવર કમિટી એવા કેદીઓની ઓળખ કરે જેમને ટેમ્પરરી બેઇલ અથવા પેરોલ ઉપર મુક્ત કરી શકાય. જે લોકો ટેમ્પરરી બેઇલ અથવા પેરોલ પર મુક્ત છે, તેમના સમય મર્યાદામાં 90 દિવસનો વધારો કરે. જ્યાં સુધી કોરોનાની આ જ પરિસ્થિતિ યથાવત રહેશે ત્યાં સુધી જેલમાં ભીડ ભેગી ન થાય તે માટે સુપ્રીમ કોર્ટે આ નિર્દેશ આપ્યો છે.
