અમદાવાદ: ટ્યુશનથી પરત ફરી રહેલા 2 વિદ્યાર્થીઓ ટ્રેનની અડફેટે આવ્યા, એકનુ મોત

અમદાવાદના મણિનગર વિસ્તારમાં 6 વિદ્યાર્થીઓ ટ્યુશન ક્લાસથી પરત ફરી રહ્યા હતા તે દરમિયાન તેઓ ગોરધન વાડી પાસેથી રેલવે ક્રોસિંગ ક્રોસ કરી રહ્યા હતા, ત્યારે 2 વિદ્યાર્થીઓ ટ્રેનની અડફેટે આવ્યાંં હતા, જેમાંથી એકનું મોત થયું હતું અને એક ઘાયલ થયો હતો. બનાવની જાણ થતાં પોલીસે સ્થળ પર પહોંચી અને કાર્યવાહી શરૂ કરી હતી.

• ટ્યુશન ક્લાસથી પરત ફરી રહેલા 2 વિદ્યાર્થીઓ ટ્રેનની અડફેટે આવ્યાં
• 6 વિદ્યાર્થીઓ સાથે રેલવે ક્રોસિંગ ક્રોસ કરી રહ્યાં હતા
• ટ્રેનની અડફેટે આવતા 1નું મોત અને 1 ઘાયલ

અમદાવાદઃ શહેરના મણિનગરમાં 6 વિદ્યાર્થીઓ ટ્યુશન ક્લાસથી પરત ફરી રહ્યા હતા, ત્યારે મણિનગર ક્રોસિંગ થઈને તેઓ ઘરે પરત જઈ રહ્યા હતા, ત્યારે જબલપુર સોમનાથ એક્સ્પ્રેસ ટ્રેન પણ ત્યાંથી પસાર થઈ હતી, તેવામાં વિદ્યાર્થીઓ પૈકી 4 વિદ્યાર્થીઓએ રેલવે ક્રોસ કરી દીધો હતો, જોકે, 2 વિદ્યાર્થીઓએ ક્રોસ કરવાનું બાકી હતું તે દરમિયાન તેઓ ક્રોસ કરવા જતા ટ્રેનની અડફેટે આવ્યાં હતા.

ટ્યુશનથી પરત ફરી રહેલા 2 વિદ્યાર્થીઓ ટ્રેનની અડફેટે આવ્યા

ઇજાગ્રસ્તને સારવાર માટે હોસ્પિટલ ખસેડવામાં આવ્યો

આ ઘટનાની જાણ થતાં ખોખરા પોલસ ઘટના સ્થળે પહોંચી હતી. સાથે 108 પણ સ્થળ પર પહોંચી હતી. આ ઘટનામાં એક બાળકનું સ્થળ પર જ મોત થયું હતું અને એક બાળક ઇજાગ્રસ્ત થતાં સારવાર માટે હોસ્પિટલ ખસેડવામાં આવ્યો હતો.