અમદાવાદઃ ભરત પંડ્યાએ જણાવ્યું હતું કે, પ્રદેશ પ્રમુખ જીતુ વાઘાણીએ ભાજપ મહીસાગર જિલ્લા પ્રમુખ જે.પી પટેલ સાથે વાત કરીને જાણકારી મેળવી હતી અને તેમાં ખાસ સ્પષ્ટતા કરી છે કે, આ ઘટના સાથે ભાજપને કોઈ લેવાદેવા નથી.
મહીસાગરમાં જન્મદિનની પાર્ટીના વાઇરલ વીડિયોને લઇ ભાજપ પ્રવક્તાએ કરી સ્પષ્ટતા
વાઇરલ થયેલા વીડિયોમાં દેખાતા વ્યક્તિઓમાંથી કોઈપણ ભાજપનો હોદેદાર કે સક્રિય સભ્ય સુદ્ધા નથી. ભાજપ સ્પષ્ટ માને છે કે, આ પ્રકારની કોઈપણ ઘટનામાં કાયદાએ કાયદાનું કામ કરવું જ જોઈએ.
સોશિયલ મીડિયામાં તો બધાં ફોટાઓ પડાવતાં હોય છે. તેને આધારે ભાજપનાં હોદ્દેદાર કે સીધાં સંગઠન સાથે જોડાયેલા છે, તેવો કોંગ્રેસનો આક્ષેપ અયોગ્ય અને ખોટો છે.