રણોત્સવને લઈને એસટી નિગમે શરૂ કરી વોલ્વોની સ્પેશિયલ સેવા

12 નવેમ્બરથી કચ્છમાં રણોત્સવનો પ્રારંભ થઇ રહ્યો છે, ત્યારે ગુજરાત રાજ્ય એસટી નિગમ દ્વારા સુરત અને રાજકોટથી વોલ્વો એસી સ્લીપર બસો બસો દોડાવવાનું આજથી શરૂ થયું છે. દિવાળીના દિવસોમાં લોકો બહાર ફરવા જવાનું પસંદ કરતા હોય છે ત્યારે સુરતથી વોલ્વો એસી સ્લીપર બસ વાયા અમદાવાદ થઈને દોડશે. ઉલ્લેખનીય છે કે, ગૃહમંત્રી અમિત શાહ પણ કચ્છની મુલાકાત લેવાના છે.

● કચ્છના રણોત્સવ માટે એસટી નિગમ દ્વારા આજથી એસી.સ્લીપર વોલ્વો બસ શરૂ કરાઈ

● સુરત અને રાજકોટથી દોડી રહી છે વોલ્વો બસો

● સુરતથી વાયા અમદાવાદ થઈને કચ્છ જશે વોલ્વો

અમદાવાદઃઆ બસોમાં કોરોના ગાઈડલાઈનનું પાલન કરાશે. પ્રવાસીઓની માગ અને સુવિધાઓને લઈને એસ.ટી.નિગમના અધિકારીઓ દ્વારા આ નિર્ણય લેવામાં આવ્યો છે. સફેદ રણની મજા માણવા માગતા હોય તેવા પ્રવાસીઓ કુટુંબ સાથે કચ્છના ધોરડો જઇ શકશે.