અમદાવાદ મંડળ પર સ્પેશિયલ ટિકિટ ચેકિંગ અભિયાન કરાયું

પશ્ચિમ રેલવેના અમદાવાદ ડિવિઝન પર મુસાફરોની ટિકિટ તપાસવા માટે હાથ ધરવામાં આવેલા સ્પેશિયલ અભિયાનના ભાગરૂપે, અનધિકૃત તાત્કાલિક કોટા, વરિષ્ઠ નાગરિક કોટા અને અપરાધિક પ્રવૃતીના લોકો દ્વારા દુરુપયોગ કરવાવાળાઓ પર કાર્યવાહી કરવામાં આવી હતી.

અમદાવાદઃ પશ્ચિમ રેલવેના અમદાવાદ ડિવિઝન પર મુસાફરોની ટિકિટ તપાસવા માટે હાથ ધરવામાં આવેલા સ્પેશિયલ અભિયાનના ભાગરૂપે, અનધિકૃત તાત્કાલિક કોટા, વરિષ્ઠ નાગરિક કોટા અને અપરાધિક પ્રવૃતીના લોકો દ્વારા દુરુપયોગ કરવાવાળાઓ પર કાર્યવાહી કરવામાં આવી હતી.

આ અંગે મંડળ રેલ પ્રબંધક દિપકકુમાર ઝાએ માહિતી આપી હતી કે, વર્તમાનમાં ચાલતા સિનિયર સિટીઝન કોટા અને તત્કાલ કોટામાં મુસાફરી કરતા મુસાફરોની ટિકિટ તપાસવા માટેના ખાસ ચેક ડ્રાઇવના ભાગ રૂપે ટ્રેન નંબર 09084 અને 09090માં સઘન ટિકિટ ચેકિંગ દરમિયાન 550 મુસાફરોને ખોટી રીતે યાત્રા કરતા પકડવામાં આવ્યા હતા. નિયમ મુજબ તેમના પાસેથી 6,04,330 રૂપિયા દંડ વસૂલવામાં આવ્યો હતો.

ટિકિટ ચેકીંગ દરમિયાન કાળા બજારી કરી રહેલા દલાલો દ્વારા મોટી રકમ વસૂલીને વ્હોટ્સએપ પર મુસાફરોને પીઆરએસ ટિકિટ અથવા ઇ-ટિકિટનો ફોટો મોકલવાનું કૌભાંડ બહાર આવ્યું છે. આ સંદર્ભમાં, કાળા બજારી કરી રહેલા દલાલોને પકડવા પત્રાચાર કરીને સ્થાનિક રેલવે સુરક્ષા દળ અને રાજકીય રેલવે પોલીસને જાણ કરવામાં આવી હતી.

ટ્રેન નંબર 09084 અને 09090 ટ્રેન જ્યાંથી ચાલે છે, ત્યાંથી પૂર્વોત્તરના મુખ્ય મથકો અને મંડળમાં પણ જાણ કરવામાં આવી હતી. ઝડપી કાર્યવાહી કરીને આ ગોરખ ધંધા પર કાબૂ મેળવવામાં આવ્યો હતો.