Organ Donation ગુજરાતમાં નોંધાયું નાના આંતરડાનું બીજું દાન

અમદાવાદ સિવિલ હોસ્પિટલના તબીબોને નાના આંતરડાનું અંગદાન મેળવીને રીટ્રાઇવ કરવામાં બીજી વખત મળી સફળતા મળી છે. અમદાવાદ સિવિલ હોસ્પિટલના સુપરિન્ટેન્ડન્ટ ડૉક્ટર રાકેશ જોષીએ જણાવ્યું હતું કે સૌરાષ્ટ્રના પુરુષ અંગદાતાના નાના આંતરડાના અંગદાનથી મહારાષ્ટ્રના દર્દીને પીડામુક્ત લાંબુ જીવન જીવવાની ભેટ મળી છે. Ahmedabad Civil Hospital Small Intestine Organ Donation Intestine organ donation in Gujarat Short bowel syndrome

અમદાવાદઅમદાવાદ સિવિલ હોસ્પિટલના અંગદાનના સેવાયજ્ઞએ વેગ પકડ્યો છે. જીવંત વ્યક્તિને અંગદાન ન કરવું પડે અને અંગોની ખોડખાપણ કે તકલીફથી પીડાતા દર્દીને નવજીવન મળી રહે તે માટે બ્રેઇનડેડ દર્દીઓના અંગદાનમાં મળતા અંગોની મદદથી અનેક લોકોને નવજીવન આપવામાં આવી રહ્યા છે. સિવિલ હોસ્પિટલના આ સેવાયજ્ઞમાં વધુ એક સિદ્ધિ ઉમેરાઇ છે. 16 ઓગસ્ટની રાત્રીએ સિવિલ હોસ્પિટલમાં સૌરાષ્ટ્રના 48 વર્ષીય બ્રેઇનડેડ યુવકના અંગદાનમાં નાના આંતરડાનું દાન મળ્યું છે. અમદાવાદ સિવિલ હોસ્પિટલ અને સમગ્ર ગુજરાતમાં નાના આંતરડાનું અંગદાન માટે આ બીજો કિસ્સો છે.

અકસ્માતમાં ઇજાને લઇ મૃત્યુઅંગદાન આપનાર યુવકને માર્ગ અકસ્માતમાં માથાના ભાગમાં ગંભીર પ્રકારની ઇજા થતા સિવિલ હોસ્પિટલમાં 14 ઓગસ્ટે દાખલ કરવામાં આવ્યો હતો. જ્યાં સારવાર દરમિયાન 16 ઓગસ્ટની રાત્રીએ તબીબો દ્વારા બ્રેઇનડેડ જાહેર કરવામાં આવ્યો હતો. યુવકના પરિવારજનોને બ્રેઇનડેડ થયાની જાણ થતા તેઓએ અંગદાનનો જનહિતલક્ષી નિર્ણય કર્યો હતો. જેના પરિણામે યુવકના શરીરના અંગોના રીટ્રાઇવલ કરતા બંને કિડની Kidney donation એક લીવર અને નાના આંતરડાનું દાન મેળવવામાં સફળતા મળી છે.

આ પણ વાંચો Intestine organ donation in Gujarat : સિવિલ હોસ્પિટલમાં ગુજરાતમાં પ્રથમ વખત નાના આંતરડાનું અંગદાન

ગ્રીન કોરિડોરથી મોકલાયું મુંબઈ સૌરાષ્ટ્રના 48 વર્ષીય પુરુષ અંગદાતાના નાના આંતરડાને મુંબઈની ગ્લોબલ હોસ્પિટલમાં ગ્રીન કોરિડોર મારફતે ગણતરીની મીનિટોમાં પહોંચાડીને 40 વર્ષના પુરુષ દર્દીમાં સફળતાપૂર્વક પ્રત્યારોપણ કરીને લાંબુ પીડામુક્ત જીવન આપવામાં સફળતા મળી છે. અમદાવાદ સિવિલ હોસ્પિટલના સુપરિન્ટેન્ડન્ટ ડૉક્ટર રાકેશ જોષીએ નાના આંતરડાનું દાન કેટલું મહત્વનું છે તેની વિગતવાર માહિતી આપી હતી. તેમણે જણાવ્યું હતું કે અંગદાનમાં મળતા તમામ અંગોમાંથી નાનું આંતરડું કેમ મહત્વનું છે. નાનું આંતરડું શરીરમાં થતી પાચન ક્રિયામાં અતિમહત્વનું કાર્ય કરતુ અંગ છે. મોટા આંતરડા કરતાં સાંકડા હોવા છતાં તે વાસ્તવમાં પાચન નળીનો સૌથી લાંબો વિભાગ છે. જે સરેરાશ 22 ફૂટ અથવા સાત મીટર લંબાઇ અથવા આપણા શરીરની લંબાઈ કરતાં સાડા ત્રણ ગણી લંબાઇ ધરાવે છે.

નાના આંતરડાનું કાર્ય શું છે નાના આંતરડાનું કાર્ય જઠરમાંથી આવતા ખોરાકને સારી રીતે પચાવવામાં મદદ કરવાનું તેમજ ખોરાકમાંથી પોષક તત્ત્વો વિટામિન્સ, ફાઇબર, કાર્બોહાઇડ્રેટ્સ, ચરબી, પ્રોટીન અને પાણીને શોષવાનું છે જેથી શરીર તેનો ઉપયોગ કરી શકે. નાનુ આંતરડુ સ્વાદુપિંડ, યકૃત અને આંતરડાના પાચક રસ સાથે ખોરાકને મિશ્રિત કરે છે અને વધુ પાચન માટે મિશ્રણને આગળ ધકેલે છે. નાના આંતરડાની દીવાલો લોહીના પ્રવાહમાં પાણી અને પચેલા પોષક તત્વોને શોષી લે છે.

આ પણ વાંચો ગુરુ પૂર્ણિમાના પાવન પર્વે સિવિલ હોસ્પિટલમાં 77 અંગદાન, દર્દીઓના અંધકારમય જીવનમાં ઉજાસ ફેલાયો

શોર્ટ બોવેલ સિન્ડ્રોમની તકલીફ ઘણાં દર્દીઓના નાના આંતરડામાં ચેપ, સોજો, ઇજા, આંતરડાના ભાગને લોહી પહોંચાડતી ધમનીમાં અવરોધના કારણને ગેંગ્રીન થવાથી, મીસેંટ્રીક ફેટ, કેન્સર, ટ્વિસ્ટેડ આંતરડાનો લૂપ વોલ્વ્યુલસ તથા જન્મજાત ખામીઓના કારણે નાના આંતરડાના મોટા ભાગને સર્જિકલ રીતે દૂર કર્યા પછી શોર્ટ બોવેલ સિન્ડ્રોમની તકલીફ થતી જોવા મળે છે.

નાના આંતરડાનું પ્રત્યારોપણ એકમાત્ર વિકલ્પ સિવિલ હોસ્પિટલમા અંગદાનના રીટ્રાઇવલમાં ચાવીરુપ ભૂમિકા અદા કરતા અને અંગદાન ક્ષેત્રે ખંતથી કાર્યરત ડોક્ટર નીલેશ કાછડીયા નાના આંતરડાની બીમારી શૉર્ટ બૉવેલ સિન્ડ્રોમ વિષે જણાવે છે કે આ બીમારીના દર્દીઓ શરીરમાં જે ખોરાક લે છે તેમાંથી પૂરતા પ્રમાણમાં પોષક તત્વો અને પાણી શરીરમાં શોષાતું નથી. જેથી આ બધા પોષક તત્વોની ઉણપ સર્જાય છે. આવા દર્દીઓને જીવનભર નસમાં પોષક તત્વો ટોટલ પેરેંટરલ ન્યુટ્રીશન TPN આપવા પડે છે. જેમાંથી ઘણા દર્દીઓે લાંબા ગાળે TPN સહન કરી શકતા નથી. ખરા અર્થમાં આ સારવાર પદ્ધતિ અત્યંત ખર્ચાળ પણ હોય છે. આવા દર્દીઓનું જીવન લાંબુ ટકી શકતું નથી.ત્યારે નાના આંતરડાનું પ્રત્યારોપણ આવા લોકો માટે એકમાત્ર વિકલ્પ છે જેના દ્વારા પીડિત દર્દીને નવજીવન મળી શકે છે. Ahmedabad Civil Hospital Small Intestine Organ Donation Intestine organ donation in Gujarat Short bowel syndrome