અસારવા સિવિલ હોસ્પિટલ ખાતે 16 જાન્યુઆરીના રોજ કોવિડ વેક્સિનને લઇને તૈયારીઓ પૂર્ણ

16 જાન્યુઆરીએ સમગ્ર દેશમાં આરોગ્ય કર્મીઓને કોરોના વેક્સિન આપવાનો પ્રારંભ કરવામાં આવશે. સમગ્ર દેશમાં ત્રણ કરોડ જેટલા આરોગ્ય કર્મીઓને કોરોના વાઇરસની રસી સૌપ્રથમ આપવામાં આવશે. જેમાં પૂણેની સિરમ ઇન્સ્ટિટ્યુટ દ્વારા બનાવામાં આવેલી કોવિશિલ્ડ વેક્સિન અપાશે. અમદાવાદ શહેરમાં પણ અસારવા સિવિલ હોસ્પિટલ ખાતે વેક્સિનેશનને લઈને તૈયારીઓ પૂર્ણ કરી દેવામાં આવી છે.

• 16 જાન્યુઆરીએ સમગ્ર દેશમાં આરોગ્ય કર્મીઓના કોવિડ વેક્સિનનો પ્રારંભ
• અમદાવાદ સિવિલ ખાતે તૈયારીઓ પૂર્ણ
• સ્ટ્રોંગ રૂમમાં રખાઈ છે કોવિડની વેક્સિન

અમદાવાદ : 16 જાન્યુઆરીએ સમગ્ર દેશમાં આરોગ્ય કર્મીઓને કોરોના વેક્સિન આપવાનો પ્રારંભ કરવામાં આવી રહ્યો છે. સમગ્ર દેશમાં ત્રણ કરોડ જેટલા આરોગ્ય કર્મીઓને કોરોના વાઇરસની સૌપ્રથમ રસી આપવામાં આવશે. જેમાં પૂણેની સિરમ ઇન્સ્ટિટ્યુટ દ્વારા બનાવાયેલ કોવિશિલ્ડ વેક્સિન આપવામાં આવશે. અમદાવાદ શહેરમાં પણ અસારવા સિવિલ હોસ્પિટલ ખાતે વેક્સિનેશનને લઈને તૈયારીઓ પૂર્ણ કરી દેવામાં આવી છે.

સિવિલ હોસ્પિટલના 7000 જેટલા કર્મીઓ

અમદાવાદ સિવિલ હોસ્પિટલ ખાતે નવા ટ્રોમાં સેન્ટર ખાતે કોરોના વોરિયર્સ એવા આરોગ્ય કર્મીઓને 16 જાન્યુઆરીએ વેક્સિન આપવામાં આવશે. પૂણેની સિરમ ઇન્સ્ટિટ્યૂ દ્વારા બનાવેલી રસી કોવિશિલ્ડ તેમને આપવામાં આવશે. અમદાવાદ સિવિલ હોસ્પિટલમાં લગભગ સાત હજાર જેટલા આરોગ્ય કર્મીઓ પોતાની ફરજ નિભાવે છે. સિવિલ હોસ્પિટલના સુપ્રિટેન્ડન્ટ જે. પી. મોદીએ જણાવ્યું હતું કે, સિવિલ હોસ્પિટલમાં સંપૂર્ણ તૈયારીઓ પૂર્ણ થઈ ચૂકી છે. જે આરોગ્ય કર્મીઓ રસી લેશે, તેમને અડધો કલાક સુધી ઓબ્ઝર્વેશનમાં રાખવામાં આવશે. જે બાદ તેમાની હેલ્થને લઈને સંપૂર્ણ ફોલોઅપ લેવામાં આવશે.

સિવિલ હોસ્પિટલના 7000 જેટલા કર્મીઓ

સિવિલ હોસ્પિટલના જૂના ટ્રોમાં સેન્ટર ખાતે રસીનું સ્ટોરેજ કરાયું

અમદાવાદના અસારવા સિવિલ હોસ્પિટલના સુપ્રિટેન્ડન્ટ દ્વારા જણાવાયું હતું કે, અમદાવાદ પૂણેની સિરમ ઇન્સ્ટિટ્યૂટ ખાતે બનાવયેલા કોવિશિલ્ડ વેક્સિન આવી છે. જેની કોઈપણ સાઈડ ઈફેક્ટ નોંધાઇ નથી. તેને સિવિલ હોસ્પિટલના જૂના ટ્રોમાં સેન્ટર ખાતે સ્ટોર કરવામાં આવી છે.

સિવિલ હોસ્પિટલના જૂના ટ્રોમાં સેન્ટર ખાતે રસીનું સ્ટોરેજ કરાયું

વડાપ્રધાન વેક્સિનેશનનો શુભારંભ કરાવશે

16 જાન્યુઆરીએ વડાપ્રધાન નરેન્દ્ર મોદી ઇન્ટરનેટ દ્વારા ઓનલાઇન વેક્સિનેશનનો શુભારંભ કરાવશે. સિવિલમાં 100 જેટલા આરોગ્ય કર્મીઓને રસી અપાશે. આ સમયે સિવિલ હોસ્પિટલ ખાતે મુખ્યપ્રધાન વિજય રૂપાણી અને નાયબ મુખ્ય પ્રધાન નીતિન પટેલ ઉપસ્થિત રહેશે.