PM મોદીના અત્યાર સુધીના શાસનકાળમાં અનેક મુશ્કેલીઓ આવી પણ મોદીનું એક જ સૂત્ર 'મેં રૂકેગા નહીં'

આજે મોદી સરકાર શાસનના આઠ (Modi Government 8 Years) પૂર્ણ થયા છે. આ કાર્યકાળ દરમિયાન અર્થવ્યવસ્થાથી લઈને સ્વરોજગારી શિક્ષણથી લઈને બેરોજગારી ખેડૂતથી લઈને મોંઘવારી પર નરેન્દ્ર મોદી સરકારનો (Modi Govt 8th Anniversary) કેવો પ્રભાવ જોવા મળ્યો છે. અર્થવ્યવસ્થા, આરોગ્ય, ખેડૂત અને શિક્ષણ મોંઘવારીના ક્ષેત્રમાં મોદી સરકાર પાછલા 8 વર્ષમાં કેટલી સકારાત્મક અને નકારાત્મક જોવા મળી જેનો વિશેષ અહેવાલ અમે રજૂ કરી રહ્યા છે.

અમદાવાદ :26 મે 2014નો દિવસ ભારતના રાજકારણનો સૌથી મહત્વનો દિવસ આજે માનવામાં આવે છે. આ દિવસે ગુજરાતના તત્કાલીન મુખ્યપ્રધાન નરેન્દ્ર મોદીએ વડાપ્રધાન તરીકેના શપથ લીધા હતા. આજે મોદી સરકારને આઠ વર્ષ પૂરા થઇ રહ્યા છે, ત્યારે પાછલા આઠ વર્ષ દરમિયાન દેશમાં અર્થવ્યવસ્થા, સ્વાસ્થ્ય, શિક્ષણ, ખેતી, ખેડૂતો અને મોંઘવારી પર મોદી સરકારના આવવાથી કેવો ફર્ક પડ્યો છે. 13 સપ્ટેમ્બર 2013 દિલ્હીના ભારતીય જનતા પાર્ટીના કાર્યાલય પર નરેન્દ્ર મોદી આગામી લોકસભાની ચૂંટણીમાં પક્ષના વડાપ્રધાન તરીકેના ચહેરા રૂપે જાહેર કરવામાં આવ્યા હતા. અંતે 2014માં ભાજપના નરેન્દ્ર મોદી સંપૂર્ણ બહુમતી ધરાવતી ભાજપના પ્રથમ વડાપ્રધાન બન્યા હતા. ત્યારે આજે મોદી સરકારના (Modi Govt Performance 8 Years) આઠ વર્ષના કેટલાક લેખા-જોખાનો ખાટો-મીઠો અહેવાલ જોઈએ.

મોદી સરકારના સૂત્રો લોકોને નાખ્યા મુશ્કેલીમાં - વર્ષ 2014ની લોકસભાની ચૂંટણીમાં મોંઘવારી એકમાત્ર મુદ્દો સામે આવ્યો હતો અને ચૂંટણી પ્રચાર દરમિયાન બહુત હુઈ મોંઘવારી કી માર અબકી બાર મોદી સરકાર આ ચૂંટણી પ્રચારના સૂત્રને મતદારોએ માથે ઉપાડી લીધું હતું. કોંગ્રેસની નિષ્ફળતાઓ ઉપર ભાજપના સૂત્રો પર મતદારોએ મતની મહોર લગાવીને પ્રથમ વખત સંપૂર્ણ બહુમતી વાળી ભાજપની મોદી સરકારને કેન્દ્રમાં સત્તાના સૂત્રો આપ્યા હતા. જે પાછલા આઠ વર્ષ દરમિયાન મોંઘવારીથી લઈને બેરોજગારી માથું ઉંચકી રહી છે જે સામાન્ય લોકોને ખૂબ મુશ્કેલીમાં નાખી રહી છે.

ભારતની અર્થવ્યવસ્થા -નરેન્દ્ર મોદીએ વડાપ્રધાન તરીકેનો પદભાર ગ્રહણ કર્યો ત્યારે ભારતની GDP (Modi Government India Economy) અંદાજીત 112 લાખ કરોડની આસપાસ જોવા મળતી હતી. જેમ આજે બમણો વધારો થઈ અંદાજિત 232 લાખ કરોડ રૂપિયા કરતાં પણ વધુ જોવા મળે છે. આ આંકડાઓ પરથી સ્પષ્ટ કહી શકાય કે ભારત સમગ્ર વિશ્વની છઠ્ઠા નંબરની અર્થવ્યવસ્થા બની ચૂકી છે. પાછલા સામાન્ય અંદાજપત્રોમાં ભારતને આગામી 2025 સુધીમાં 5 ટ્રિલિયન ડોલર સુધીની અર્થવ્યવસ્થા પર પહોંચાડવા માટેનો ટાસ્ક કેન્દ્રના નાણાપ્રધાનની સાથે મોદીએ સરકારને આપ્યો છે. જેમાં સફળ થવું વર્તમાન સમયની સતત વધી રહેલી મોંઘવારી અને બેરોજગારી આડા ખીલા રૂપ બની શકે છે. આ ઉપરાંત ભારતમાં ખૂબ જ ચિંતાજનક કહી શકાય તે પ્રકારે 80 કરોડ કરતા વધુ લોકો ગરીબ જોવા મળે છે.

અર્થવ્યવસ્થાને પાટા પર ચડાવવી મુશ્કેલી -મોદી સરકારના સમયમાં વિદેશથી થતી આવકમાં પણ વધારો થયો છે. ભારત જેવા વિકસિત દેશો પોતાના સ્થાનિક વ્યાપારને મજબૂત કરવાની સાથે ભારતીય રૂપિયો વધુ મજબૂત બને તે માટે વિદેશના ઉદ્યોગકારોને ભારતમાં રોકાણ કરવા માટે પ્રોત્સાહિત કરવા પડે વર્તમાન સમયમાં સમગ્ર દેશની અર્થવ્યવસ્થામાં 45 લાખ કરોડ રૂપિયાથી પણ વધારે વિદેશી ભંડોળ કારોબારના ક્ષેત્રમાં રોકાયું છે. પરંતુ, તેમાં પાછલા કેટલાક સમયથી સતત ઘટાડો જોવા મળી રહ્યો છે. જે ભારતીય (Modi Government 8 Years) અર્થવ્યવસ્થાને પાટા પર ચડાવવા માટે મુશ્કેલી ઉભી કરી રહ્યો છે.

આ પણ વાંચો :PM મોદીના 8 વર્ષના શાસનમાં અત્યાર સુધી ગુજરાતને શું મળ્યું, જૂઓ

મેક ઇન ઇન્ડિયાનો પ્રભાવ હજુ પણ બિન અસરકારક -વર્ષ 2014માં મોદી સરકાર મેક ઇન ઇન્ડિયાના (Make in India) નામે અનેક યોજનાઓ શરૂ કરી હતી. સરકારનો મકસદ હતો કે, ભારતમાં બનેલી વસ્તુઓને વિદેશી બજાર મળે અને ભારત આયાત કરતા દેશમાંથી નિકાસ કરતો દેશ બને તે માટે મેક ઈન ઈન્ડિયાનો પ્રોજેક્ટ શરૂ કરાયો હતો. પરંતુ, સૌથી ચિંતાજનક વાત એ છે કે પાછલા આઠ વર્ષ દરમિયાન ભારતમાં નિર્મિત ચીજવસ્તુઓને નિકાસ કરવાને બદલે ભારતમાં 28 લાખ કરોડ રૂપિયાની આયાત કરવી પડી છે, તેવી વિપરીત પરિસ્થિતિ સામે આવી છે. વર્ષ 2014માં વિદેશમાંથી ચીજ વસ્તુઓની આયાત કરવા પાછળ અંદાજે 20 લાખ કરોડ જેટલો ખર્ચ થયો હતો. પાછલા 8 વર્ષમાં મોદી સરકાર પર વિદેશ કર્ઝ પણ વધી રહ્યું છે. પ્રતિ વર્ષ 25 અરબ ડોલરની વિદેશી કરમાં વધારો થઈ રહ્યો છે. વર્ષ 2014 સુધી ભારત પર અંદાજિત 409 અરબ ડોલરનું વિદેશી કર્ઝ હતું. જેમાં વધારો થયો છે અને આ રકમ 615 અરબ ડોલર સુધી પહોંચી ગઈ છે.

નોકરીઓને લઈને મોદી સરકાર જોવા મળી પાછળ -ભારત જેવા દેશોમાં રોજગારી અને ખાસ કરીને સરકારી નોકરી (Modi Government Govt Jobs) આજે પણ ખૂબ મુશ્કેલીનો વિષય બની રહી છે. કોઇ પણ પક્ષની સરકાર હોય નોકરીને લઈને તેમની સામે સતત પ્રશ્નો ઉભા થઈ રહ્યા છે. પરંતુ, મોદી સરકારમાં બેરોજગારીનો દર ચિંતાજનક રીતે વધી રહ્યો છે. સેન્ટર ફોર મોનિટરિંગ ઇન્ડિયન ઇકોનોમી સંસ્થા દ્વારા કરેલા સર્વે મુજબ આજે દેશમાં 40 કરોડ જેટલા લોકોની પાસે રોજગારી છે. આ આંકડામાં પાછલા વર્ષોની સરખામણીએ ત્રણ ટકાનો ઘટાડો જોવા મળે છે. વર્ષ 2014 પહેલા પ્રતિવર્ષ 43 કરોડ લોકો નોકરીઓ મેળવી રહ્યા હતા. વર્તમાન સમયમાં કેન્દ્ર સરકાર દ્વારા કરાયેલા સર્વેમાં એવું સામે આવી રહ્યુ છે કે, આજના દિવસે 90 કરોડ કરતાં વધુ લોકો નોકરી પ્રાપ્ત યોગ્યતાઓ ધરાવે છે. પરંતુ, બેરોજગારીને કારણે 50 ટકા કરતાં વધુ યોગ્યતા પ્રાપ્ત ઉમેદવારો નોકરી કે રોજગારથી વંચિત જોવા મળે છે. મોદી સરકારમાં બેરોજગારીનો દર પણ પાછલા 45 વર્ષના તમામ રેકોર્ડ તોડીને સર્વોચ્ચ જોવા મળી રહ્યો છે.

શિક્ષણ વ્યવસ્થા -કોઈપણ વિકસિત કે વિકાસશીલ દેશ માટે સારું શિક્ષણ (Modi Government Education System) ખૂબ જરૂરી બને છે. શિક્ષણની તમામ સુવિધાઓ પુરી પાડવા માટે સરકારોએ ખૂબ જ સારું બજેટ આપવું પડે છે. વર્તમાન મોદી સરકારમાં શિક્ષણના બજેટમાં ચોક્કસપણે વધારો થયો છે. પરંતુ, શિક્ષણ વ્યવસ્થાને વધુ ગુણવત્તાયુક્ત અને સક્ષમ બનાવવા માટે મોદી સરકારનો ખર્ચ અપૂરતો સાબિત થયો છે. જેને કારણે દેશોમાં સરકારી સ્કુલોની બંધ થવાની સંખ્યા વધી રહી છે. રાષ્ટ્રીય આરોગ્ય સર્વેના આંકડા પરથી આજે પણ દેશમાં 30 ટકા કરતાં વધુ મહિલાઓ અને 15 ટકા કરતાં વધુ પુરુષ નિરક્ષર જવા મળે છે. આ તમામની વચ્ચે મોદી સરકારમાં તબીબી શિક્ષણ અને તેમાં અભ્યાસ કરવા માટેની વિદ્યાર્થીઓની સંખ્યામાં ચોક્કસ વધારો થયો છે.

આ પણ વાંચો :દેશને સંકટ માંથી બચાવવા વડાપ્રધાને રાજ્યોના મુખ્યપ્રધાનોને આપ્યો ખાસ મંત્ર

આરોગ્ય અને પરિવાર કલ્યાણ -વૈશ્વિક મહામારી કોરોનાએ સમગ્ર વિશ્વના દેશોને આરોગ્યના ક્ષેત્રમાં ફરી એક વખત વિચારતા કરી મૂક્યા છે. કોરોના સંક્રમણ કાળમાં ભારત પણ સપડાયું હતું અને હજુ પણ કોરોનાનો ખતરો સંપૂર્ણપણે દૂર થયો નથી. આવા સમયે મોદી સરકારે આરોગ્ય (8 Years of Modi Govt Completed) બજેટમાં 130 ટકા કરતાં પણ વધુનો વધારો કર્યો છે. મોદી સરકારે પાર્લામેન્ટમાં કરેલા સ્વીકાર અનુસાર ભારતના પ્રત્યેક 834 વ્યક્તિઓ પર એક આયુર્વેદિક કે એલોપેથીક ડોક્ટર જોવા મળે છે.

ખેતી અને ખેડૂત આઠ વર્ષે ક્યાં -મોદી સરકારના કાર્યકાળ દરમિયાન કૃષિ સંશોધન કાયદાને લઈને સૌથી મોટા ખેડૂત આંદોલનનો સામનો મોદી સરકારે કરવો પડ્યો હતો. ખેડૂતોની માંગણી સામે અંતે મોદી સરકારે ઝૂકવું પડ્યું હતું અને વિવાદિત કૃષિ સંશોધન કાયદાને પરત ખેંચવાની ફરજ પડી હતી. મોદી સરકારે વર્ષ 2022 સુધીમાં દેશના પ્રત્યેક ખેડૂતોની આવક બમણી કરવાનો નિર્ધાર વ્યક્ત કર્યો હતો. પરંતુ, સતત વધી રહેલી મોંઘવારીને કારણે ખેડૂતોની આવકમાં બમણો વધારો કરવો કેન્દ્ર સરકારના કૃષિ વિભાગ માટે મુશ્કેલી બની રહ્યું છે.

મોંઘવારીનો માર લોકો બે હાલ -વર્ષ 2014માં બહુત હુઈ મહેંગાઈ કી માર અબકી બાર (Modi Govt 8th Anniversary) મોદી સરકાર આ સૂત્રોને લઈને કેન્દ્રમાં મોદી સરકારની શપથવિધિ થઈ હતી. પરંતુ મોદી સરકારે સત્તાના સૂત્રો સંભાળ્યા બાદ દેશમાં મોંઘવારી પ્રચંડ ગતિએ આગળ વધી રહી છે. પેટ્રોલ ડીઝલ રાંધણ ગેસ શાકભાજી ખાદ્યતેલ અનાજ કરીયાણા સહીત તમામ જીવન જરૂરી ચીજ વસ્તુઓના ભાવોમાં બમણો વધારો થયો છે. જેને કારણે ગરીબ અને મધ્યમ વર્ગ મોંઘવારીની મહામારી પીસાઈ રહ્યો છે. મોદી સરકાર માટે દેશ અને દુનિયાના રાજકારણની સાથે અર્થવ્યવસ્થા વિશ્વના બજારો અને ભારત વિશ્વનું એક બજાર આ તમામ વિચારોની પણ પાછીપાની થશે તેવા સંજોગોનું નિર્માણ પણ થઈ શકે છે.