ગુજરાત યુનિવર્સિટીની ઓનલાઈન પરીક્ષા 13 ફેબ્રુઆરીથી યોજાશે

ગુજરાત યુનિવર્સિટીની ઓનલાઇન પરીક્ષા 13 ફેબ્રુઆરીથી શરૂ થવાની છે, જોકે તે અગાઉ એટલે કે 11 ફેબ્રુઆરીથી મોક ટેસ્ટ શરૂ થશે. ત્યારે યુનિવર્સિટી દ્વારા તમામ પ્રકારની તૈયારીઓ કરી દેવામાં આવી છે. જેમાં B.COM, M.COM, BBA સહિતના કોર્સની સેમેસ્ટર ત્રણ અને પાંચની પરીક્ષા શરૂ થશે. એકબાજુ કોરોનાના લીધે ઓનલાઇન અભ્યાસમાં વિદ્યાર્થીઓને ઘણી મુશ્કેલીઓ ઉભી થઇ હતી અને આ સાથે જ પરીક્ષા નજીક આવતા વિદ્યાર્થીઓ ચિંતિત થયા છે.

• 11 ફેબ્રુઆરીએ મોક ટેસ્ટ લેવાશે
• 13 ફેબ્રુઆરીથી રેગ્યુલર પરીક્ષા લેવાશે
• યુનિવર્સિટી દ્વારા તમામ તૈયારીઓ પૂર્ણ
  
  અમદાવાદ: ગુજરાત યુનિવર્સિટીની ઓફલાઈન પરીક્ષા લીધા બાદ ઓનલાઇન પરીક્ષા 11 ફેબ્રુઆરીથી શરૂ થશે. ત્યારે વિદ્યાર્થીઓને ઓનલાઇન પરીક્ષામાં કોઈપણ પ્રકારની મુશ્કેલી ન પડે તે માટે ખાસ તૈયારીઓ કરવામાં આવી રહી છે. વધુમાં અગાઉ જે ઓનલાઇન પરીક્ષા લેવામાં આવી હતી, તેમાં વિદ્યાર્થીઓને ઘણી મુશ્કેલીઓનો સામનો કરવો પડ્યો હતો. ઓનલાઇન પરીક્ષામાં કેટલાક વિદ્યાર્થીઓ ગામડામાં રહે છે તેથી ગામડાઓમાં કનેક્ટિવિટીની સમસ્યા ન થાય અને વિદ્યાર્થીઓની પરીક્ષા ન બગડે તેવું આયોજન કરવામાં આવ્યું છે.
  

15 હજાર જેટલા વિદ્યાર્થીઓ ઓનલાઇન પરીક્ષા આપશે

આ પરીક્ષામાં વિદ્યાર્થીઓને 40 ટકા જેટલો સિલેબસ પૂછાશે. જેથી ઓનલાઇન પરિક્ષા લેવાથી વિદ્યાર્થીઓના વાલીઓમાં પણ ચિંતાં જોવા મળી હતી. આ ઓનલાઇન પરીક્ષામાં કોઈ તકલીફ ઉભી ન થાય તે માટે સર્વર તૈયાર કરવામાં આવ્યું છે, 15 હજાર જેટલા વિદ્યાર્થીઓ ઓનલાઇન પરીક્ષા આપશે.